ەلوردادا كوشپەندىلەر ويىنى كەزىندە ارنايى اۆتوبۋس باعدارى ەنگىزىلەدى
استانا. KAZINFORM - كوشپەندىلەر ويىندارىنا قاتىساتىن سپورتشىلار مەن كورەرمەندەردى تاسىمالدايتىن ارنايى اۆتوبۋستار ۇيىمداستىرىلادى. بۇل تۋرالى №1-اۆتوبۋس پاركىنىڭ باسقارما ءتوراعاسى ماديار تۇقپاتوۆ ءمالىم ەتتى.
«100 اۆتوبۋس دۇنيەجۇزىلىك كوشپەندىلەر ويىندارىنا قاتىساتىن سپورتشىلاردى تاسيدى. ولارعا بەرىلەتىن Shuttle bus-تار قوناق ءۇي مەن ويىن الاڭدارى اراسىندا قاتىنايدى. سونداي-اق، كورەرمەندەرگە دە 100-200 دەي اۆتوبۋس دايىنداۋ جاعىن قالالىق اكىمدىكپەن پىسىقتاپ جاتىرمىز»، - دەدى ماديار تۇقپاتوۆ №1-اۆتوبۋس پاركىندە ۇيىمداستىرىلعان باسپا ءسوز تۋرى بارىسىندا.
سونداي-اق، №1-پاركتىڭ كەيبىر اۆتوبۋستارى كوشپەندىلەر ويىندارىنا وراي ارنايى بەزەندىرىلگەن.
ەسكە سالايىق، 8-13-قىركۇيەك ارالىعىندا استانادا ەتنيكالىق سپورت تۇرلەرى بويىنشا حالىقارالىق سپورتتىق جارىستار - V دۇنيەجۇزىلىك كوشپەندىلەر ويىندارى وتەدى. سپورتتىق ءىس-شاراعا 89 ەلدەن 2 مىڭنان استام ادام قاتىسادى.
كوشپەندىلەر ويىندارىنىڭ سالتاناتتى اشىلۋى «استانا ارەنادا» وتەدى.
ايتا كەتەيىك، ەلوردا دۇنيەجۇزىلىك كوشپەندىلەر ويىندارىنا وراي ارنايى بەزەندىرىلىپ جاتىر.
اۆتور
داۋلەت ىزتىلەۋ
