ەلوردادا جىل سوڭىنا دەيىن 1 ميلليونعا جۋىق جاسىل جەلەك وتىرعىزىلادى

استانا. KAZINFORM - استانادا «تازا قازاقستان. استانا - تازالىق پەن ءتارتىپتىڭ ۇلگىسى» اۋقىمدى ەكولوگيالىق ناۋقان جالعاسىپ جاتىر. «جاسىل ايماق» ۇرانىمەن ءوتىپ جاتقان شارا اياسىندا وسى اپتادا اعاش وتىرعىزىلىپ، ەكپەلەردى اقتاۋ جۇمىستارى جۇرگىزىلدى.

ەلوردا اكىمىنىڭ رەسمي سايتى حابارلاعانداي، وعان قالا تۇرعىندارى، ەڭبەك ۇجىمدارى، مادەنيەت جانە سپورت قايراتكەرلەرى، مەملەكەتتىك ورگانداردىڭ قىزمەتكەرلەرى، شاعىن جانە ورتا بيزنەس سۋبەكتىلەرى (بازارلار، ساۋدا- ويىن- ساۋىق ورتالىقتارى، كافەلەر، مەيرامحانالار جانە باسقالار)، ەرىكتىلەر، وقۋشىلار مەن ستۋدەنتتەر، م ي ب (پ ي ك) جانە باسقالار قاتىسادى.

ەلوردا تۇرعىندارى ەكو ءىس-شارالارعا بەلسەندى قاتىسادى جانە ءاربىر تۇرعىن ەلوردادا تازالىق پەن ءتارتىپتى قامتاماسىز ەتۋگە ءوز ۇلەسىن قوسادى. ازاماتتار بۇكىل كىرەبەرىستەر مەن ءوز اۋلالارىن تازا ەتۋ ءۇشىن شىعادى.

اتالمىش ەكواپتا اياسىندا ەلوردادا 30-دان استام ءىس-شارا وتكىزۋ جوسپارلانعان، جىل سوڭىنا دەيىن 1 ميلليونعا جۋىق جاسىل جەلەك وتىرعىزۋ جوسپارلانىپ وتىر.

«ءبىز اپتا سايىن اۋلامىزدى تازالاۋعا بارامىز. بۇل داستۇرگە اينالدى، ءار دەمالىس سايىن كورشىلەرمەن جينالىپ، اۋلانىڭ اۋماعىن قوقىستاردان تازارتىپ، اۋماقتى اباتتاندىرۋ. قالاداعى تازالىق كوبىنەسە قالا تۇرعىندارىنىڭ مىنەز-قۇلىق مادەنيەتىنە بايلانىستى. ءبىز ءبارىمىز ادەمى، تازا قالادا ءومىر سۇرگەندى ۇناتامىز. ال ءوز قالاڭىزدى تازا، ادەمى جانە جايلى ەتۋ ءۇشىن ءارقايسىمىز تازالىق پەن ءتارتىپتىڭ قاراپايىم ەرەجەلەرىن تالاپ ەتەمىز»، - دەپ اتاپ ءوتتى سارى ارقا اۋدانىنىڭ بەلسەندىسى ايجان بەكبايەۆا.

اۋقىمدى ەكواكسيا شەڭبەرىندە قالانى سانيتارلىق تازارتۋ، نوسەر جانە ارىق كارىز جەلىلەرى، كوشەلەردى، تروتۋارلاردى، ورامىشىلىك اۋماقتاردى، قوعامدىق كەڭىستىكتەر مەن اۋلالاردى تازالاۋ جۇمىستارى جۇرگىزىلۋدە. سونداي-اق، جاسىل جەلەكتەردى كۇتىپ-باپتاۋ جانە وتىرعىزۋ، ساۋدا وبەكتىلەرىنە ىرگەلەس اۋماقتاردى جيناۋ، كوگالدار مەن گۇلزارلاردى ورناتۋ، رۇقسات ەتىلمەگەن پوليگونداردى جويۋ جانە ت. ب. جۇمىستار جۇرگىزىلىپ جاتىر.

سونداي-اق، ەكواكسياعا قاتىسۋشىلار اراسىندا فيتنەس- كلۋبقا ءۇش ابونەمەنتكە كونكۋرس وتكىزىلەدى. وعان كەز كەلگەن ادام قاتىسا الادى. 
ول ءۇشىن: Instagram-داعى استانا اكىمدىگىنىڭ رەسمي اككاۋنتىنا (@akimat__astana) جازىلۋ، Instagram-داعى ەكواكسيادان ءتۇپنۇسقا ۆيدەوسىن جاريالاۋ جانە ونى #تازااستانا، #ەكواكسيا استانا حەشتەگتەرىمەن بەلگىلەۋ قاجەت (جاريالانىم بولۋى كەرەك، stories ەمەس).

اۆتور

باقىتگۇل اباي قىزى