ەلوردادا جىل باسىنان بەرى جۇزدەگەن زاڭ بۇزۋ انىقتالدى

استانا. KAZINFORM - وسى جىلدىڭ باسىنان باستاپ استانانىڭ بارلىق التى اۋدانىندا ۆەيپ پەن ناسىبايدىڭ زاڭسىز تارالۋى مەن قولدانىلۋىن انىقتاۋ بويىنشا رەيدتەر جالعاسىپ جاتىر. 2025 -جىلدىڭ ءۇش ايىندا قالادا مىڭداعان ساۋدا ورىندارى تەكسەرىلىپ، جۇزدەگەن زاڭ بۇزۋ انىقتالدى.

جەدەل پروفيلاكتيكالىق ءىس-شارالاردى اۋداندىق اكىمدىكتەردىڭ قىزمەتكەرلەرى استانا پوليتسيا دەپارتامەنتىمەن بىرلەسىپ جۇرگىزەدى. رەيدتەر جەكە كاسىپكەرلىك وبەكتىلەرىن - ساۋدا ورتالىقتارىن، ازىق-تۇلىك دۇكەندەرىن قامتيدى.

ەسىل اۋدانىندا جىل باسىنان بەرى قوعامدىق ورىنداردا شەگىلمەيتىن تەمەكى ونىمدەرى مەن كاليانداردى تۇتىنۋدى باقىلاۋ بويىنشا 30 رەيد جۇرگىزىلدى. تەكسەرۋ قورىتىندىسى بويىنشا 523 قۇقىق بۇزۋشىلىق انىقتالدى، جالپى سوماسى 18868235 تەڭگەگە 523 اكىمشىلىك حاتتاما جاسالدى، ونىڭ 14749465 تەڭگەسى ءوندىرىلدى.

- جىل باسىنان بەرى نۇرا اۋدانىندا 21 كاسىپكەرلىك وبەكتىسىنە پروفيلاكتيكالىق ءتۇسىندىرۋ جۇرگىزىلدى. تەكسەرۋ بارىسىندا زاڭ بۇزۋدىڭ 12 جاعدايى انىقتالدى، ونىڭ ىشىندە قىزدىرىلاتىن تەمەكىسى بار ونىمدەر، كاليانعا ارنالعان تەمەكى، كاليان قوسپالارى، تەمەكىنى قىزدىرۋعا ارنالعان جۇيەلەر، ەلەكتروندى تەمەكى جانە ولارعا ارنالعان سۇيىقتىقتار بار. رەيد قورىتىندىسى بويىنشا قوعامدىق ورىنداردا كاليان شەگۋگە قاتىستى تىيىمدى بۇزعان مەكەمەلەرگە كەلۋشىلەرگە قاتىستى 65 اكىمشىلىك حاتتاما جاسالدى. ايىپپۇلداردىڭ جالپى سوماسى 3 ميلليون 325 مىڭ تەڭگەنى قۇرادى. مەكەمە اكىمشىلەرى مەن يەلەرى دە جاۋاپكەرشىلىككە تارتىلدى، - دەلىنگەن استانا قالاسى اكىمدىگى حابارلاماسىندا.

الماتى اۋدانىنىڭ اۋماعىندا كاليان تۇتىنۋ جانە ساتۋ جاعدايلارىن انىقتاۋ بويىنشا 11 رەيدتىك ءىس-شارا وتكىزىلدى. 45 جەكە تۇلعاعا ايىپپۇل سالىندى، سونىمەن قاتار شەگىلمەيتىن تەمەكى ونىمدەرىن - ناسىباي مەن ءسنيۋستى ساتۋدى انىقتاۋ ءۇشىن 6 رەيد جۇرگىزىلدى. 20 دۇكەن انىقتالدى، 500 دەن استام شەگىلمەيتىن تەمەكى ونىمدەرى تاركىلەندى، بارلىق قۇقىق بۇزۋشى جاۋاپقا تارتىلدى.

سارىارقا اۋدانىنىڭ اكىمدىگى مۇددەلى مەملەكەتتىك ورگاندارمەن بىرلەسىپ 15 رەيدتىك ءىس-شارا وتكىزدى، وعان مەملەكەتتىك ورگاندار مەن قوعام وكىلدەرى قاتىستى. جىل باسىنان بەرى اۋدان بويىنشا قوعامدىق ورىنداردا كاليان شەگەتىن بۇزۋشىلارعا قاتىستى اقبتك 441-بابى بويىنشا 115 اكىمشىلىك حاتتاما جاسالدى.

سارايشىق اۋدانىندا 2025 -جىلدىڭ باسىنان باستاپ ا ق ب ت ك-نىڭ 196-بابى بويىنشا شەگىلمەيتىن تەمەكى ونىمدەرىن زاڭسىز ساتقانى ءۇشىن 196600 تەڭگە كولەمىندە ايىپپۇل سالىندى. 58 دانا شەگىلمەيتىن تەمەكى ونىمدەرى انىقتالدى: 26 دانا سنيۋس جانە 32 دانا ناسىباي. رەيد بارىسىندا 6 ساۋدا نىسانى تەكسەرىلدى، ساتۋ فاكتىلەرى انىقتالىپ، دۇكەن يەلەرى ايىپپۇل تۇرىندە اكىمشىلىك جاۋاپكەرشىلىككە تارتىلدى.

بايقوڭىر اۋدانىنىڭ اۋماعىندا شەگىلمەيتىن تەمەكى ونىمدەرىن - ناسىباي مەن ءسنيۋستى ساتۋ جاعدايلارىن انىقتاۋ بويىنشا 16 رەيدتىك ءىس-شارا وتكىزىلدى. 28 دۇكەن انىقتالدى، 20 ك گ-دان استام شەگىلمەيتىن تەمەكى ونىمدەرى تاركىلەندى، بارلىق قۇقىق بۇزۋشى اكىمشىلىك جاۋاپكەرشىلىككە تارتىلدى. سونداي-اق، بايقوڭىر اۋدانىندا ق ر اكىمشىلىك قۇقىق بۇزۋشىلىق تۋرالى كودەكسىنىڭ 441-بابىنا سايكەس قوعامدىق تاماقتانۋ ورىندارىندا تەمەكى ونىمدەرىن، ونىڭ ىشىندە قىزدىرىلاتىن تەمەكى، كاليان ونىمدەرىن تۇتىنۋ فاكتىلەرىنىڭ الدىن الۋ جانە جولىن كەسۋ بويىنشا رەيدتىك ءىس-شارالار بەلسەندى تۇردە جالعاسىپ جاتىر. جىل باسىنان بەرى بارلىعى 49 جاعداي انىقتالدى، 136 ادامعا 4124280 تەڭگە ايىپپۇل سالىندى.

سونداي-اق، رەيدتەر بارىسىندا شەگىلمەيتىن تەمەكى ونىمدەرىن ساتۋعا جول بەرمەۋ تۋرالى شاعىن جانە ورتا بيزنەس يەلەرى پروفيلاكتيكالىق ءتۇسىندىرۋ جۇرگىزىلدى.

- شەگىلمەيتىن تەمەكى ونىمدەرىن زاڭسىز ساتاتىن ساۋدا ورىندارىنا جانە ۆەيپ ساتۋشىلارعا اكىمشىلىك حاتتاما مەن 25 ايلىق ەسەپتىك كورسەتكىش نەمەسە 92300 تەڭگە كولەمىندە ايىپپۇل سالىنادى. زاڭ بۇزۋ انىقتالعان كەزدە كاليان شەگەتىن ادامدارعا 15 ا ە ك مولشەرىندە ايىپپۇل سالىنادى. قايتا بۇزىلعان جاعدايدا - 20 ا ە ك. ال مەكەمە يەلەرىنە 20 دان 60 ا ە ك-كە دەيىن ايىپپۇل سالىنادى، - دەلىنگەن حابارلامادا.

رەيدتەر ەلوردانىڭ بارلىق التى اۋدانىندا ءجۇرىپ جاتىر.

ايتا كەتەلىك KCell ،Tele2 ،Beeline كومپانيالارىنىڭ ۇستىنەن تاريف كوتەرۋ تۋرالى «ءسوز بايلاسۋ» كۇدىگىمەن تەكسەرۋ ءجۇرىپ جاتىر.

اۆتور

نازىم بولەسوۆا