21:30, 22 - قاڭتار 2025 | GMT +5
ەلوردادا جولاۋشىلار اۆتوبۋسى بەتونعا سوعىلدى
استانا. KAZINFORM - ەلوردادا جەڭىل اۆتوكولىك جۇرگىزۋشىسىنىڭ دۇرىس بۇرىلماۋىنان كولىك اپاتى بولدى.

جول اپاتى قابانباي باتىر داڭعىلى مەن حۋسەين بەن تالال كوشەسىنىڭ قيىلىسىندا «نيسسان» جەڭىل كولىگى مەن جولاۋشىلار اۆتوبۋسىنىڭ سوقتىعىسۋىنان تۋىنداعان.
- «نيسسان» جۇرگىزۋشىسى كوشەدەن سولعا بۇرىلىپ جاتقاندا اۆتوبۋستى سوقتى، سالدارىنان قوعامدىق كولىك بەتونعا سوعىلدى. اپاتتىڭ كەسىرىنەن زارداپ شەككەن ادام اۋرۋحاناعا جەتكىزىلدى، - دەلىنگەن قالالىق پوليتسيا دەپارتامەنتى تاراتقان حابارلامادا.
ءىزىن سۋىتپاي جول اپاتىنا قاتىستى تەرگەۋ امالدارى باستالدى.
بۇعان دەيىن استانادا سوبر قىزمەتكەرلەرىنە شابۋىل جاسالعانىن حابارلاعان ەدىك.
ايتا كەتەيىك، كەشەدەن بەرى استانادا بوران، قالىڭ قار مەن قاتتى جەل قالانىڭ مازاسىن قاشىرىپ تۇر.