ەلوردادا جازعى اۋىل شارۋاشىلىعى جارمەڭكەلەرىنىڭ ماۋسىمى باستالادى

استانا. KAZINFORM - ەلوردادا 5-ساۋىردەن باستاپ بەيبارىس سۇلتان كوشەسىنىڭ بويىندا اۋىل شارۋاشىلىعى جارمەڭكەسى باستالادى، دەپ حابارلايدى استانا اكىمدىگىنىڭ رەسمي سايتى.

اۋىل شارۋاشىلىعى جارمەڭكەسى «ريو-دە-جانەيرو» ت ك (بەيبارىس سۇلتان كوشەسى، 23) قاراما- قارسى ورنالاساتىن بولادى. ول كۇن سايىن ساعات 9.00-دەن 19.00-گە دەيىن اشىق بولادى.

جارمەڭكەدە جەرگىلىكتى، سونداي-اق قازاقستاننىڭ ءتۇرلى وبلىستارىنان تاۋار وندىرۋشىلەرى جەتكىزگەن ءتۇرلى تاۋارلارى ۇسىنىلادى.

قالا تۇرعىندارى مەن قوناقتارى كوكونىستەر مەن جەمىستەردى، ەت، ۇن جانە ءسۇت ونىمدەرىن، كونديتەرلىك ونىمدەردى، تابيعي شىرىنداردى جانە ت. ب. ساتىپ الا الادى.

جۇرتشىلىققا ىڭعايلى بولۋ ءۇشىن جارمەڭكەگە № 2، 32، 49، 50، 73 اۆتوبۋس مارشرۋتتارى قاتىنايدى، بۇل قولايلىلىقتى قامتاماسىز ەتەدى.

ايتا كەتۋ كەرەك، ەلوردادا دەمالىس كۇندەرى وتەتىن جارمەڭكە بار، ول ساعات 10:00-دەن 22:00-گە دەيىن جۇمىس ىستەيدى. جارمەڭكە سارى ارقا اۋدانىندا، نۇرعيسا تىلەنديەۆ داڭعىلى 12ا مەكەنجايىنداعى «Koktal» ساۋدا-ويىن-ساۋىق ورتالىعىندا ورنالاسقان.