ەلوردادا «جامبىل. جاڭا ءداۋىر» اتتى تاريحي درامانىڭ تۇساۋكەسەرى ءوتتى
استانا. قازاقپارات - «جامبىل. جاڭا ءداۋىر». استانادا وسىنداي اتاۋمەن جامبىل جابايەۆتىڭ ومىرىنە ارنالعان تاريحي درامانىڭ تۇساۋكەسەرى ءوتتى، دەپ حابارلايدى 24kz.
فيلمدە «جىر الىبى» عۇمىرىنىڭ سوڭعى توعىز جىلى كورسەتىلگەن. تۋىندى اۆتورلارى مۇراعاتتان تابىلعان تىڭ دەرەكتەرگە سۇيەنگەن. اراسىندا 1936-جىلى جامبىلدىڭ ونەرىن ناسيحاتتاۋعا اتسالىسقان ماسكەۋلىك مامان يوسيف گيلماننىڭ نەمەرەسىندە ساقتالعان قۇندى دايەكتەر بار. فيلم اۆتورى تەرەڭ ىزدەنىس ارقىلى عاسىر جاساعان اقىن ومىرىندەگى تاريحي قايشىلىقتاردى اشىپ كورسەتۋدى ماقسات ەتتىم دەيدى.
جاندوس قۇسايىنوۆ، فيلمنىڭ قويۋشى رەجيسسەرى جانە سەناريسى:
- جامبىل اتامىزدىڭ ءومىرى جايلى كوپتەگەن كىتاپتار جازىلعان. فيلمدەر تۇسىرىلگەن. ءبىراق ول كەزدەگى ساياسي كونيۋنكتۋرا ءبىزدىڭ ۇلتتىق قاجەتتىلىگىمىزدى نەمەسە تاريحي شىندىقتان كورى سول كەزدەگى جۇيەنىڭ قاجەتىنە جارايتىن دۇنيەلەر بولاتىن. سوندىقتان قازىرگى تاڭداعى جاڭا زاماناۋي كوزقاراستاعى جاستاردىڭ كوزقاراسىمەن قاراعان كەزدە اشىلماي جاتقان بىرنەشە قىرى بار تۇلعانىڭ ءبىرى وسى جامبىل اتامىز دەپ ەسەپتەيمىز. قازىرگى جاستار سول كەزدەگى كەزەڭنىڭ اتموسفەراسىن سەزىنۋ ءۇشىن سول كەزدەگى الەۋمەتتىك جاعدايدى ءبىلۋ ءۇشىن، سودان كەيبىر تاريحي ماسەلەلەرگە، تاريحي تۇلعالارعا باعا بەرۋ ءۇشىن وسىنداي فيلمدەردى كورۋ كەرەك دەپ ەسەپتەيمىز.
