13:52, 20 - ماۋسىم 2025 | GMT +5
ەلوردادا حالىقارالىق يوگا كۇنىنە وراي اشىق جاتتىعۋ وتەدى
استانا. KAZINFORM - ەلوردادا 21-ماۋسىمدا 11- حالىقارالىق يوگا كۇنى - #IDY2025 اتالىپ وتەدى. مەرەكە بوتانيكالىق باقتا وتەدى، دەپ حابارلايدى استانا قالاسى اكىمدىگىنىڭ رەسمي سايتى.
ءىس شارا تاڭعى ساعات 6:00 دە باستالادى. وعان قالا تۇرعىندارى مەن قوناقتارى دا قاتىسا الادى.
مەرەكەلىك باعدارلامادا ءۇندىستاننان كەلگەن تاجىريبەلى جاتتىقتىرۋشىلارمەن بىرگە جاتتىعۋ، سونداي- اق قاتىسۋشىلارعا ارنالعان سىيلىقتار مەن سەرتيفيكاتتار قاراستىرىلعان.
اشىق جاتتىعۋعا قاتىسۋ ءۇشىن وزىڭىزبەن بىرگە يوگاعا ارنالعان توسەنىش پەن باس كيىم الا كەلۋ كەرەك.
ءىس- شارانى ۇيىمداستىرۋشىلار - استاناداعى ءۇندى مادەني ورتالىعى جانە Yoga Family Astana. ول استانا قالاسى اكىمدىگىنىڭ قولداۋىمەن وتەدى.
قوسىمشا اقپارات @iccr_astana Instagram پاراقشاسىنان الۋعا بولادى.
