ەلوردادا فۋتبول جانكۇيەرلەرى جانجال شىعاردى: كىنالى قاماۋعا الىندى

استانا. KAZINFORM - استانادا فۋتبول جانكۇيەرلەرى جاپپاي توبەلەستى، جانجالدىڭ جەلىدە تاراعان ۆيدەوسى سوتتا قارالدى.

استانا قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتى «استانا- ارەنا» ستاديونىنىڭ جانىندا توبەلەس شىعارىپ، قوعامدىق ءتارتىپتى بۇزعان د. -عا قاتىستى ءىستى قارادى. ونىڭ ارەكەتى اكىمشىلىك قۇقىق بۇزۋشىلىق تۋرالى كودەكستىڭ 434-بابى 1-بولىگى بويىنشا سارالانعان.

- سوتتا د. توبەلەستىڭ ءمان-جايىن راستادى، كىناسىن مويىنداپ، وكىنىپ، جانجالدى بەتپەردە كيگەن ادامداردىڭ (مۇمكىن فۋتبول كلۋبىنىڭ جانكۇيەرلەرى) شىعارعانىن ەسكەرۋدى سۇرادى. سوت قۇقىق بۇزۋشىلىقتىڭ ءمان-جايى وقيعا ورنىنان تۇسىرىلگەن بەينەجازبامەن راستادى، - دەيدى قالالىق سوتتان.

اكىمشىلىك قۇقىق بۇزۋشىلىق تۋرالى كودەكستە، اتالعان جاعدايدا 434-بابى 1-بولىگىنە سايكەس 20 ا ە ك مولشەرىندە ايىپپۇل نەمەسە 5 تاۋلىكتەن 15 تاۋلىككە دەيىن قاماۋعا الۋ كوزدەلگەن.

- سوت 10 تاۋلىك تۇرىندەگى قاماۋعا الۋ شاراسىن قوعامعا تەرىس اسەر ەتەتىن جانە قوعامعا قۇرمەتسىزدىك كورسەتۋگە باعىتتالعان، ورىنسىز مىنەز-قۇلىقتا كورسەتىلگەن جاسالعان ءىس-ارەكەتتىڭ دارەجەسى مەن سيپاتىن ەسكەرە وتىرىپ تاعايىندادى، - دەلىنگەن سوت قاۋلىسىندا.

قاۋلى زاڭدى كۇشىنە ەنگەن جوق.

اۆتور

داۋلەت ىزتىلەۋ