ەلوردادا شاھاردى ەنەرگيامەن جابدىقتاۋ جۇيەسى جاڭعىرتىلىپ جاتىر
استانا. KAZINFORM - استانا قالاسىنىڭ ەنەرگيامەن جابدىقتاۋ جۇيەسىندە ەسكىرگەن نىساندار از ەمەس. سالدارىنان كەيدە اپاتتىق جاعدايلار تىركەلىپ جاتادى.
بۇل رەتتە، «استانا- ا ە ك» ا ق باسشىلىعى ينۆەستيتسيالىق باعدارلاما ارقىلى جاڭعىرتۋ جۇمىستارىن جالعاستىرىپ جاتىر.
بۇل باعىتتاعى جۇمىستاردىڭ اشىقتىعىن قامتاماسىز ەتۋ جانە ونىڭ تيىمدىلىگىن باعالاۋ ءۇشىن ق ر ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ استانا قالاسى بويىنشا دەپارتامەنتى ماماندارى، قوعام بەلسەندىلەرى «استانا- ا ە ك» اق وبەكتىلەرىن تەكسەرىپ شىقتى.
باسقارما ءتوراعاسىنىڭ دامۋ جونىندەگى ورىنباسارى باۋىرجان امانبەكوۆ «استانا-ا ە ك» ا ق جالپى قۇنى 24,5 ميلليارد تەڭگە بولاتىن 2021-2025 -جىلدارعا ارنالعان ينۆەستيتسيالىق باعدارلاما اياسىندا ەلوردانىڭ ەنەرگوجۇيەسىن جاقسارتۋ جانە جاڭعىرتۋ بويىنشا بەلسەندى جۇمىس اتقارىپ جاتقانىن جەتكىزدى.
«2023 -جىلى 4,6 ميلليارد تەڭگە يگەرىلىپ، جاڭعىرتۋ جۇمىستارى ءساتتى اياقتالدى. ال، 2024 -جىلعا 6,3 ملرد تەڭگە ءبولىنىپ وتىر. جۇمىستىڭ ساپاسى -باستى نازاردا»، - دەدى ول.
ينۆەستباعدارلاما جەلىلەردىڭ توزۋىن ازايتىپ، تەحنولوگيالىق بۇزۋشىلىقتاردى تومەندەتپەك. سونداي-اق، ەلەكتر ەنەرگياسىنىڭ نورماتيۆتىك شىعىندارى %10,7- دان %9,8 عا دەيىن قىسقارتىلماق.
