ەلوردادا دەمالىس كۇندەرى اۋىل شارۋاشىلىعى جارمەڭكەسى وتەدى

استانا. KAZINFORM - ەلوردادا 26-27-شىلدە ارالىعىندا كەزەكتى قالالىق اۋىل شارۋاشىلىعى جارمەڭكەسى وتەدى.

قالا تۇرعىندارى مەن قوناقتارىنا جەرگىلىكتى وندىرۋشىلەر مەن قازاقستاننىڭ ءتۇرلى وڭىرلەرىنەن كەلگەن شارۋا قوجالىقتارىنىڭ ازىق-تۇلىك ونىمدەرىنىڭ كەڭ تاڭداۋى ۇسىنىلادى.

جارمەڭكەگە كەلگەن جۇرت جاڭا جينالعان كوكونىستەر مەن جەمىس-جيدەكتى، ەت، ءسۇت ونىمدەرىن، نان-توقاش ونىمدەرىن، بال، توساپ، تابيعي شىرىندار مەن وزگە دە تاۋارلاردى قولجەتىمدى باعامەن ساتىپ الا الادى.

ءىس-شارا ساعات 10:00 دەن 19:00 گە دەيىن «KERYEN JOLY» ساۋدا ورتالىعىندا (الاش تاس جولى، 35-ءۇي) وتەدى.

قوسىمشا تۇردە، ءدال وسى كۇندەرى - 26-27-شىلدە ارالىعىندا دەمالىس كۇنگى جارمەڭكەلەر مىنا ورىنداردا دا جۇمىس ىستەيدى:

• «كوكتال» سوو اۋماعىندا (نۇرعيسا تىلەنديەۆ داڭعىلى، 12ا)؛

• بەيبارىس سۇلتان كوشەسى، 23 مەكەنجايىندا (ريو دە جانەيرو ت ك قارسى بەتىندە).

جارمەڭكە الاڭدارى ساعات 10:00 دەن 19:00 گە دەيىن جۇمىس ىستەيدى.

ايتا كەتەلىك استانادا 2025-جىلعى «بولاشاق ويىندارىنا» ىرىكتەۋ باستالعان ەدى.