ەلوردادا ءتورت جىل بۇرىن جوعالعان ادام تابىلدى
استانا. KAZINFORM - ەلوردا اۋماعىندا ومىرلىك قيىن جاعدايعا تاپ بولعان ادامدارعا كومەك كورسەتۋگە جانە ىزدەۋدە جۇرگەن ادامداردى انىقتاۋعا باعىتتالعان جەدەل-الدىن الۋ ءىس-شاراسى ءوتتى.
«ونىڭ باراسىندا حابار-وشارسىز كەتكەن 3 ادامنىڭ جۇرگەن جەرى انىقتالدى. ونىڭ ىشىندە ءبىر ازامات 2020-جىلدان بەرى تۋىستارىمەن بايلانىستا بولماعان. ءتورت جىل بويى تۋىستارى ورالۋىنان ءۇمىت ۇزبەگەن 48 جاستاعى ەر ادامنىڭ وقيعاسى ەرەكشە نازار اۋدارۋعا تۇرارلىق. پوليتسيانىڭ ۇيلەسىمدى ارەكەتتەرىنىڭ ارقاسىندا ەر ادام تابىلىپ، وتباسىمەن قايتا قاۋىشتى»، - دەلىنگەن قالالىق پوليتسيا دەپارتامەنتى باسپا ءسوز قىزمەتىنىڭ مالىمەتىندە.
بۇدان بولەك، رەيد بارىسىندا پوليتسيا قىزمەتكەرلەرى قىلمىس جاساعانى ءۇشىن ىزدەۋدە جۇرگەن 4 كۇدىكتىنى، سونداي-اق زاڭ بۇزۋ دەرەگى بويىنشا كۇدىكتى دەپ تانىلعان 6 ادامدى ۇستادى.
ايتا كەتەيىك، جاقىندا كورشى مەملەكەتتەردە ىزدەۋدە جۇرگەن 9 كۇدىكتى تۇركىستان وبلىسىندا ۇستالدى.
