ەلوردادا اينەكتى شاعىپ، ۇرلىق جاساعان ۆاندالدار جازالاندى

استانا. KAZINFORM - استانادا ۆانداليزم اكتىلەرىمەن جانە قوعامدىق ءتارتىپتى بۇزۋشىلارمەن جۇيەلى كۇرەس جالعاسىپ جاتىر. ەلوردالىق پوليتسەيلەر ۆاندالداردى تاۋىپ، جازالادى. بۇل تۋرالى قالالىق اكىمدىكتىڭ رەسمي سايتى حابارلادى.

21-تامىز كۇنى ساعات 16:00 شاماسىندا قالا تۇرعىنى رەسپۋبليكا داڭعىلى، 11-مەكەنجايىنداعى ءۇيدىڭ اۋلاسىندا «ميتسۋبيسي» ماركالى اۆتوكولىكتىڭ اينەگىن سىندىرىپ، بوتەننىڭ مۇلكىنە قاساقانا زاقىم كەلتىرىپ، ماتەريالدىق شىعىن كەلتىردى. ونىڭ جەكە باسى انىقتالىپ، 20 ا ە ك مولشەرىندە اكىمشىلىك جاۋاپكەرشىلىككە تارتىلدى.

وسىعان ۇقساس وقيعا 24-تامىز كۇنى ساعات 05:40-تا ءا. بوكەيحان كوشەسى، 3-مەكەنجايىندا بولدى. 62 جاستاعى ماس ادام ماگنيتوفوندى ۇرلاپ، Toyota Highlander ماركالى كولىگىن ادەيى زاقىمدادى. قۇقىق بۇزۋشىعا بوتەننىڭ مۇلكىن بۇلدىرگەنى ءۇشىن 20 ا ە ك مولشەرىندە ايىپپۇل سالىنادى.

25-تامىز كۇنى ساعات 12:00-دە كەنەسارى كوشەسى، 80-مەكەنجايىندا ورنالاسقان 29 جاستاعى ەر ادام تولەم تەرمينالى مونيتورىنىڭ اينەگىن ادەيى سىندىرعان.

بارلىق قۇقىق بۇزۋشى تابىلىپ، جاۋاپقا تارتىلدى.

ەستەرىڭىزگە سالا كەتەيىك، استانادا «Stop، ۆاندال!» اكسياسى ءوتىپ جاتىر. اتالعان ناۋقاندى ەرىكتىلەر، بەلسەندىلەر، بەلگىلى سپورتشىلار، ۇەۇ وكىلدەرى، قالا تۇرعىندارى، اۋداندىق اكىمدىكتەر مەن قالالىق پوليتسيا دەپارتامەنتىنىڭ ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى، ءماسليحات دەپۋتاتتارى قولدادى.

اكسيا اياسىندا قالادا كۇندىزگى جانە تۇنگى رەيدتەر، سونداي-اق تۇرعىندار اراسىندا قوعامدىق ءتارتىپتى ساقتاۋ جانە قالا مۇلكىنە ۇقىپتى قاراۋ قاجەتتىلىگى تۋرالى ءتۇسىندىرۋ جۇمىستارى جۇرگىزىلەدى.

بوتەننىڭ مۇلكىن قاساقانا ءبۇلدىرىپ، جالپى اۋماقتاردى لاستاپ، عيماراتتار مەن تۇرعىن ءۇي- جايلاردى بۇلدىرگەنى ءۇشىن جىل باسىنان بەرى سوت 207 ادامدى جازالادى. ولاردىڭ بارلىعى جاۋاپقا تارتىلدى.

ۆانداليزمنىڭ الدىن الۋ جۇمىستارى قالالىق پروكۋراتۋرا مەن پوليتسيا دەپارتامەنتىنىڭ ۇيلەستىرۋىمەن جۇرگىزىلەدى.