ەلوردا تۇرعىنى ەسىلگە باتىپ كەتتى

استانا. KAZINFORM - استانالىق قۇتقارۋشىلار سۋعا باتقان ەر ادامنىڭ دەنەسىن تاپتى. بۇل اقپاراتتى قالالىق توتەنشە جاعدايلار دەپارتامەنتى راستادى.

- بۇگىن پاترۋلدەۋ بارىسىندا سارى ارقا اۋدانىندا شىعاناق كوشەسى ماڭىندا سۋعا باتقان ەر ادامنىڭ دەنەسى تابىلدى. قۇتقارۋشىلار 1986 -جىلى تۋعان ەر ادامنىڭ دەنەسى سۋدان شىعارىلىپ، مەديتسينالىق كومەك كورسەتىلدى. وكىنىشكە قاراي، ەر ادامدى امان الىپ قالۋ مۇمكىن بولمادى، - دەلىنگەن حابارلامادا.

قازىر وقىس وقيعانىڭ ءمان-جايى انىقتالىپ جاتىر.

وسى ورايدا استانا قالاسىنىڭ توتەنشە جاعدايلار دەپارتامەنتى قالا تۇرعىندارى مەن قوناقتارىنان سۋعا شومىلۋ ەرەجەلەرىن ساقتاۋدى سۇرايدى:

- رۇقسات ەتىلمەگەن جەرلەردە شومىلماڭىزدار؛

- ماس كۇيىندە سۋعا تۇسپەڭىزدەر؛

- بالالاردى قاراۋسىز قالدىرماڭىزدار.

- توتەنشە جاعدايدا «112» نومىرىنە حابارلاسۋ كەرەك.

بۇعان دەيىن حابارلاعانىمىزداي، ەلوردا تۇرعىنى ايەلىن پىشاقتاپ، ءوزى 25-قاباتتان سەكىرىپ كەتتى. قازىر وقيعانىڭ ءمان-جايىن پوليتسيا انىقتاپ جاتىر.

اۆتور

داۋلەت ىزتىلەۋ