ەلوردا ماڭىنداعى ەلدى مەكەندەرگە قاتىنايتىن 12 اۆتوبۋس قوزعالىسىن توقتاتتى

ايازعا بايلانىستى استانا قالاسى ماڭىنا قاتىنايتىن 12 اۆتوبۋس رەيستەن الىندى.

«10-جەلتوقسان، ساعات 05.00-گە وزەكتى اقپارات. اۋا رايىنىڭ ناشارلاۋىنان (تەمپەراتۋرانىڭ تومەندەۋى) قالا ماڭىنا قاتىنايتىن №300 ، 305، 308، 309، 310، 312، 315، 316، 317، 327، 328، 329 باعدارلارىنىڭ قوزعالىسى ۋاقىتشا توقتاتىلدى.

قالا ماڭىنا قاتىنايتىن باسقا باعدارلار لينيادا.

قوعامدىق كولىك قوزعالىسى تۋرالى وزگەرىستەردى @cts_kz پاراقشالارىنان بىلۋگە بولادى»، - دەلىنگەن كومپانيا مالىمەتىندە.

ەسكە سالايىق، سينوپتيكتەر جەكسەنبى كۇنى ەلدىڭ باسىم بولىگىندە اياز بولاتىنىن ەسكەرتكەن بولاتىن.

اتىراۋدا اۋا تەمپەراتۋراسىنىڭ كۇرت تومەندەۋىنەن جايىق وزەنىندە مۇز قاتىپ، سۋ سوراتىن ستانسالاردىڭ جۇمىسى توقتاپ قالدى.

سونداي- اق ايازعا بايلانىستى بۇگىن تۇندە ەلىمىزدىڭ 7 وڭىرىندە رەسپۋبليكالىق ماڭىزى بار 54 جول ۋچاسكەسىندە كولىك قوزعالىسىنا شەكتەۋ ەنگىزىلدى.

اۆتور

گۇلميرا الياكپاروۆا