ەلوردا ءماسليحاتىنىڭ 2 دەپۋتاتىنىڭ وكىلەتتىگى مەرزىمىنەن بۇرىن توقتاتىلدى

استانا. KAZINFORM - استانا قالالىق ءماسليحاتىنىڭ كەزەكتەن تىس سەسسياسىندا 2 دەپۋتاتتىڭ وكىلەتتىگى مەرزىمىنەن بۇرىن توقتاتىلدى.

- ق ر-نىڭ جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» زاڭىنىڭ 20-بابى 3-تارماعى 8-تارماقشاسىنا جانە 4-تارماعىنا سايكەس دەپۋتاتتار قانات يبرايەۆ پەن جانارگۇل كۇلماعامبەتوۆا ءوتىنىش بەرۋىنە بايلانىستى استانا قالالىق اۋماقتىق سايلاۋ كوميسسياسى بيىل 6-قازاندا شەشىم قابىلدادى. استانا قالاسىنىڭ ءماسليحاتىنا وسى دەپۋتاتتاردىڭ وكىلەتتىگىن مەرزىمىنەن بۇرىن توقتاتۋ تۋرالى ۇسىنىس ەنگىزدى. وسىعان وراي استانا قالالىق ءماسليحاتىنىڭ دەپۋتاتتارىنان شەشىم قابىلداۋدى سۇرايمىز، - دەدى استانا قالالىق سايلاۋ كوميسسياسى ءتوراعاسىنىڭ مىندەتىن اتقارۋشى ءلاززات ابەۋوۆا.

وسىدان كەيىن دەپۋتاتتاردىڭ وكىلەتتىگىنىڭ توقتاتىلۋىنا بايلانىستى باسقا دەپۋتاتتار استانا قالالىق ءماسليحاتىنىڭ تۇراقتى كوميسسيالارىنىڭ قۇرامىنا شىعارىلدى. اتاپ ايتقاندا، جاڭا سايلانعان دەپۋتات تالعات دۇيسەكوۆ الەۋمەتتىك-مادەني دامۋ ماسەلەلەرى جونىندەگى تۇراقتى كوميسسيانىڭ قۇرامىنا ەنگىزىلدى.

ايتا كەتەلىك الماتى قالاسىنىڭ ءماسليحاتىنا جاڭا دەپۋتات سايلانعان ەدى.

اۆتور

مارلان جيەمباي