18:11, 10 - ماۋسىم 2025 | GMT +5
لوندوندا ا ق ش پەن قىتاي كەلىسسوزىنىڭ ءبىرىنشى كۇنى ءوتتى
استانا. قازاقپارات - لوندوندا الەمنىڭ ەكى الپاۋىت ەكونوميكاسى - ا ق ش پەن قىتاي اراسىندا كەلىسسوزدىڭ ەكىنشى كەزەڭىنىڭ ءبىرىنشى كۇنى ءوتتى، دەپ حابارلايدى 24kz.
العاشقى كەزدەسۋ 6,5 ساعاتقا سوزىلدى. اڭگىمە تاريفتەر، سيرەك مەتالدار مەن وزىق تەحنولوگيالارعا ەكسپورت شەكتەۋلەرىن الۋ تۋراسىندا ءوربىدى.
قىتاي تاراپىن وسى ەلدىڭ ۆيتسە-پرەمەرى حە ليفەن باستاپ باردى. ال امەريكالىق دەلەگاتسيا قۇرامىندا ا ق ش قارجى ءمينيسترى سكوتت بەسسەنت، ساۋدا ءمينيسترى گوۆارد ليۋتنيك پەن ساۋدا وكىلى دجەيميسون گرير بار. «بلۋمبەرگتىڭ» حابارلاۋىنشا، كەشە لوندوندا باستالعان كەلىسسوزدەر بۇگىن دە جالعاسادى.
