ۇلتتىق سپورت تۇرلەرىنەن الماتى وبلىسى چەمپيوناتىنىڭ اشىلۋ سالتاناتى ءوتتى

شونجى. KAZINFORM - ۇيعىر اۋدانىنداعى شونجى يپپودرومىندا 2004-2006 -جىلى تۋعان ەرەسەكتەر مەن جاسوسپىرىمدەر اراسىندا ۇلتتىق جانە ات سپورتى تۇرلەرىنەن الماتى وبلىسى چەمپيوناتىنىڭ سالتاناتتى اشىلۋى ءوتتى.

ۇلتتىق سپورت تۇرلەرى -تاريحىمىزدىڭ، قازاق حالقىنىڭ بولمىسىنىڭ ايناسى. ولاردى دامىتۋ ارقىلى ۇلتتىق ات سپورتىن كەڭىنەن ناسيحاتتاۋدى، جاستاردى ۇلتتىق سپورت تۇرلەرىمەن اينالىسۋعا شاقىرىپ، وتانسۇيگىشتىككە باۋليمىز.

«ءبىلىمدى، تاربيەلى، دەنى ساۋ ۇرپاق - ۇلتتىڭ ەڭ قىمبات بايلىعى ەكەنى انىق. سوندىقتان مەملەكەت باسشىسى قاسىم- جومارت توقايەۆ ەلباسى رەتىندەگى العاشقى جولداۋىندا دا بۇقارالىق سپورتتى دامىتۋعا ەرەكشە كوڭىل ءبولدى. اسىرەسە، ۇلتتىق سپورت ويىندارى ەرەكشە باعالانىپ، قازىرگى تاڭدا ءداستۇرلى سپورت تۇرلەرىنەن جىل سايىن ءتۇرلى دەڭگەيدەگى جارىستار وتكىزىلىپ كەلەدى»، - دەدى ۇيعىر اۋدانىنىڭ اكىمى بوتا ەلەۋسىزوۆا.

بۇل چەمپيونات وبلىستىڭ بارلىق اۋداندارىنان 200 گە جۋىق قاتىسۋشىنىڭ باسىن قوستى. «اۋدارىسپاق»، «جامبى اتۋ»، «تەڭگە ءىلۋ» جانە «كوكپار» سياقتى سپورت تۇرلەرىنەن جارىستار وتكىزىلەدى.

بايقاۋ 30-ناۋرىزعا دەيىن جالعاسادى، ونىڭ قورىتىندىسى بويىنشا جەڭىمپازدار انىقتالادى.