ۇلتتىق سپورت تۇرلەرىنە قىزىعۋشىلىق ارتىپ كەلەدى

استانا. قازاقپارات - 2024 -جىلدىڭ قورىتىندىسى بويىنشا ۇلتتىق سپورت تۇرلەرىمەن تۇراقتى تۇردە اينالىساتىن قازاقستاندىقتاردىڭ سانى 660 مىڭنان استى. بۇل تۋرالى تۋريزم جانە سپورت مينيسترلىگىنىڭ باسپا ءسوز قىزمەتى حابارلادى.

بۇل - ەلىمىزدە دەنە شىنىقتىرۋ جانە سپورتپەن اينالىساتىنداردىڭ جالپى سانىنىڭ %9,6 ىن قۇرايدى (2023 -جىلى - 619,2 مىڭ ادام نەمەسە % 8,7) . جاتتىقتىرۋشىلار قۇرامى 1781 ماماندى قامتيدى، ونىڭ ىشىندە 1004 ى اۋىلدىق جەرلەردە جۇمىس ىستەيدى.

2018- 2024 -جىلدار ارالىعىنداعى ديناميكا:

* 2018 — 375926 ادام
* 2019 — 399357 ادام
* 2022 — 432457 ادام
* 2023 — 619200 ادام
* 2024 — 660000-نان استام ادام

ەڭ تانىمال سپورت تۇرلەرى:

* قازاقشا كۇرەس،
* توعىزقۇمالاق،
* اسىق اتۋ،
* كوكپار،
* بايگە،
* تەڭگە ءىلۋ،
* جامبى اتۋ،
* اۋدارىسپاق،
* قۇسبەگىلىك،
* ءداستۇرلى ساداق اتۋ،
* جەكپە- جەك جانە باسقا دا تۇرلەر.

ۇلتتىق سپورت تۇرلەرىن دامىتۋ ماقساتىندا وڭىرلەردە 15 بالالار- جاسوسپىرىمدەر سپورت مەكتەبى مەن 17 مامانداندىرىلعان كلۋب جۇمىس ىستەيدى. قازاقستاندا جىل سايىن ۇلتتىق سپورت تۇرلەرى بويىنشا 1000 نان استام جارىس وتەدى.

ايتا كەتەلىك ۇلتتىق سپورت تۇرلەرى قالاي قالىپتاسقانى تۋرالى جازعان ەدىك.