ۇلتتىق قوردىڭ اقشاسى بالالاردىڭ شوتىنا 1-اقپاندا اۋدارىلا باستايدى
قارجى مينيسترلىگىنىڭ بيۋدجەتتىك كرەديتتەۋ، ۇلتتىق قور جانە قارجى سەكتورى ماسەلەلەرى جونىندەگى ءوزارا ءىس- قيمىل دەپارتامەنتىنىڭ ديرەكتورى ايبول ارعىنعازين ۇلتتىق قوردىڭ اقشاسى بالا شوتىنا 1-اقپاندا اۋدارىلا باستايتىنىن ايتتى، دەپ حابارلايدى Kazinform.
«ۇلتتىق قور تولەمدەرىن ءبىرىڭعاي جيناقتاۋشى زەينەتاقى قورى 2024 -جىلدىڭ 1-اقپانىنا باستاپ اۋدارادى. 18 جاسقا تولماعان بارلىق بالاعا بىردەي سوما اۋدارىلادى. ال كامەلەت جاسىنا 2024 -جىلى تولاتىن بالالار سول قاراجات شوتىنا تۇسكەن كەزدەن باستاپ ءوتىنىم بەرىپ، ۇلتتىق قور اقشاسىن پايدالانۋ ماقساتىن راستايتىن قۇجاتتى كورسەتۋ ارقىلى ءارى قاراي بۇل قاراجاتتى پايدالانا الادى»، - دەدى ايبول ارعىنعازين ۆەدومستۆو ۇيىمداستىرعان بريفينگىدە.
سونداي- اق، ۇلتتىق قور قاراجاتىن ەمدەۋ شارالارىنا جۇمساۋعا رۇقسات جوق ەكەنىن ايتتى.
ونىڭ ايتۋىنشا، دەنساۋلىعىنا بايلانىستى قيىندىققا تاپ بولعان ازاماتتارعا قولداۋ كورسەتۋدىڭ «قازاقستان حالقىنا قورى»، زەينەتاقى جيناعىنىڭ ارتىلعان كولەمىن پايدالانۋ سياقتى ءتۇرلى تەتىكتەر بار.
اۆتور
ەسىمجان ناقتىباي
