ۇلتتىق قور - بالالارعا: قازاقستاندىقتار قانشا قاراجات شەشىپ العان؟
استانا. KAZINFORM - قارجى مينيسترلىگى «ۇلتتىق قور - بالالارعا» جوباسىنىڭ ورىندالۋ بارىسى تۋرالى مالىمەتتەردى جاريالادى، - دەپ حابارلايدى Massaget.kz ءتىلشىسى.
«ءبىرىڭعاي جيناقتاۋشى زەينەتاقى قورى» ا ق مالىمەتتەرىنە سايكەس، 1- ناۋرىزداعى جاعداي بويىنشا 775 ادام تۇرمىس جاعدايىن جاقسارتۋ جانە وقۋ اقىسىن تولەۋ ءۇشىن 42 مىڭنان اسا ا ق ش دوللارىن شەشىپ العان.
2024-جىلدىڭ باسىندا نىسانالى تالاپتارعا قاتىسۋشىلاردىڭ سانى 6919131 ادام بولدى، ونىڭ 304815 ءى 2024-جىلى 18- جاسقا تولعان.
18 جىل ىشىندە ورتاشا ينۆەستيتسيالىق كىرىستىڭ 50 پايىزىنان قالىپتاسقان ەسەپتەۋلەردىڭ جالپى سوماسى 695519269 ا ق ش دوللارى بولدى، ءاربىر بالاعا 100,52 ا ق ش دوللارى ەسەپتەلدى.
«2024-جىلى كامەلەت جاسقا تولعان بالالار ءۇشىن «ءبىرىڭعاي جيناقتاۋشى زەينەتاقى قورى» ا ق- نا 30640003,80 ا ق ش دوللار قاراجات اۋدارىلدى»، - دەپ تولىقتىردى قارجى مينيسترلىگى.
ەسكە سالايىق، قازاقستاندا قاڭتار اياعىندا بالالارعا ۇلتتىق قوردان اقشا تۇسە باستادى. باعدارلاماعا قاتىسۋشىلار 2023-جىلعا ارنالعان ارنايى شوتتارعا 100,52 دوللار الدى.
