«ۇلتتىق قور - بالالارعا»: مينيسترلىك ءبىر بالاعا اۋدارعان قارجى سوماسىن اتادى

 استانا. KAZINFORM - 2023 -جىلى ۇلتتىق قوردىڭ قاراجاتىن باسقارۋ تيىمدىلىگى بويىنشا وڭ وزگەرىستەر بايقالدى.

ұлттық қор
Фото: Kazinform

بۇل تۋرالى ماجىلىستە 2023 -جىلعا ارنالعان رەسپۋبليكالىق بيۋدجەتتىڭ اتقارىلۋى تۋرالى ۇكىمەت ەسەبىن بايانداعان قارجى ۆيتسە- ءمينيسترى داۋرەن تەمىربەكوۆ ايتتى.

«ۇلتتىق قوردىڭ اكتيۆتەرى ونىڭ الدىنداعى جىلعا قاراعاندا 10 پايىزعا ءوسىپ، 65,7 ميلليارد ا ق ش دوللارىن قۇرادى»، - دەدى د. تەمىربەكوۆ.

مينيسترلىك مالىمەتىنشە، كەيىنگى 3 جىلدا ۇلتتىق قور اكتيۆتەرى ءوسۋىنىڭ وڭ ديناميكاسى بايقالدى:

1. 2021 -جىل - 59,4 ميلليارد ا ق ش دوللارى (ونىڭ ىشىندە ۆاليۋتالىق اكتيۆتەر - 55,3 ميلليارد ا ق ش دوللارى)

2. 2022 -جىل - 57,9 ميلليارد ا ق ش دوللارى (ونىڭ ىشىندە ۆاليۋتالىق اكتيۆتەر - 55,7 ميلليارد ا ق ش دوللارى)

3) 2023 -جىل 65,7 ميلليارد ا ق ش دوللارى (ونىڭ ىشىندە ۆاليۋتالىق اكتيۆتەر - 60,0 ميلليارد، ا ق ش دوللارى) .

كەپىلدەندىرىلگەن ترانسفەرت 2022 -جىلعى 4 تريلليون تەڭگەدەن 2023 -جىلى 2,2 تريلليون تەڭگەگە (ەكى ەسەگە جۋىق) دەيىن تومەندەدى. 2024 -جىلدان باستاپ كەپىلدەندىرىلگەن ترانسفەرت مولشەرى جىلىنا 2 تريلليون تەڭگەدەن اسپايدى.

سونىمەن قاتار، «ۇلتتىق قور - بالالارعا» باعدارلاماسى بويىنشا 2024 -جىلى 1 بالاعا ەسەپتەلگەن سوما 100,52 ا ق ش دوللارىن قۇرادى.

سوڭعى جاڭالىقتار