«ۇلتتىق قور - بالالارعا»: 9 ميلليوننان اسا ا ق ش دوللارى اۋدارىلدى

استانا. KAZINFORM - ءبىرىڭعاي جيناقتاۋشى زەينەتاقى قورى «ۇلتتىق قور - بالالارعا» جوباسى اياسىندا 1- ساۋىردەگى جاعداي بويىنشا 9,30 ميلليون اسا ا ق ش دوللارىن اۋدارعان. 83937 ءوتىنىش ورىندالعان. بۇل تۋرالى «ب ج ز ق» ا ق ءمالىم ەتتى.

تۇرعىن ءۇي جاعدايىن جاقسارتۋعا 47358 ءوتىنىم ورىندالىپ، 5,24 ميلليون جۋىق ا ق ش دوللارى تولەندى.
تۇرعىن ءۇي ساتىپ الۋعا يپوتەكالىق تۇرعىن ءۇي قارىزىن الۋ ءۇشىن باستاپقى جارنانى ەنگىزۋ - 42,48 مىڭ ا ق ش دوللارى
ازاماتتىق- قۇقىقتىق مامىلەلەر بويىنشا مەنشىككە تۇرعىن ءۇي ساتىپ الۋ (تۇپكىلىكتى ەسەپ ايىرىسۋ) - شامامەن 35,71 مىڭ ا ق ش دوللارى.
ءبىلىم بەرۋ بويىنشا ءبىر رەت تولىق كولەمدە (بۇكىل وقۋ مەرزىمى ءۇشىن) اقى تولەۋ (3,42 ميلليون ا ق ش دوللارىنا 30521 ءوتىنىش قاناعاتتاندىرىلىپ، 2352,7 مىڭ دوللار تولەندى.
ونىڭ ىشىندە:

ءبىلىم الۋ ءۇشىن جيناقتاۋ سالىمى تۋرالى شارت بويىنشا ءبىلىم الۋ جيناقتاۋ سالىمىن تولىقتىرۋ بويىنشا 3616 ءوتىنىش ورىندالىپ، 383,60 مىڭ ا ق ش دوللارى بولىنگەن. 
شەتەلدىك ءبىلىم بەرۋ ۇيىمدارىنىڭ وقىتۋ قىزمەتتەرىنە ۇلەستەرمەن (ءاربىر اكادەميالىق كەزەڭ نەمەسە وقۋ جىلى ءۇشىن) نەمەسە تولىق كولەمدە ءبىرجولعى (بۇكىل وقۋ مەرزىمى ءۇشىن) اقى تولەۋگە 106,04 مىڭ ا ق ش دوللارى بولىنگەن.

بيىل ەلىمىزدىڭ ازاماتى بولىپ ەسەپتەلەتىن بارلىق بالالارعا قازاقستان ۇلتتىق قورىنان ەكىنشى رەت قاراجات ەسەپتەلدى.

نىسانالى جيناقتار تولەمىن تۇرعىن ءۇي جاعدايلارىن جاقسارتۋ جانە (نەمەسە) ءبىلىم الۋ اقىسىن تولەۋ ماقساتىندا پايدالانۋ بويىنشا ۋاكىلەتتى وپەراتورلار مەن وڭىرلەر بولىنىسىندەگى تولىق اقپاراتپەن enpf.kz سايتىندا تانىسۋعا بولادى.

كامەلەتكە تولعان ازاماتتار وزدەرىنىڭ ن ج تۋرالى اقپاراتتى ب ج ز ق- نىڭ نەمەسە ەلەكتروندىق ۇكىمەتتىڭ ينتەرنەت- رەسۋرستارىنداعى جەكە كابينەتى ارقىلى ءوز بەتىنشە الۋى ءتيىس، سودان كەيىن ۋاكىلەتتى وپەراتورعا ا ق ش دوللارىندا بانكتىك شوت اشىپ، تۇرعىن ءۇي جاعدايلارىن جاقسارتۋ جانە (نەمەسە) ءبىلىم الۋ اقىسىن تولەۋ ءۇشىن ن ج تولەمىنە ونلاين-ءوتىنىش بەرۋ ءۇشىن جۇگىنە الادى.

ەسكە سالا كەتەيىك، بۇعان دەيىن ۇلتتىق قوردان 3 ايدا 1,45 تريلليون تەڭگە الىنعانىن جازعان بولاتىنبىز.