ۇلتتىق ۇلان جاۋىنگەرى الەم بىرىنشىلىگىندە توپ جاردى

استانا. KAZINFORM - قىرعىزستاننىڭ چولپون-اتا قالاسىندا ەرەسەكتەر مەن جاستار اراسىندا گىر كوتەرۋ سپورتىنان الەم بىرىنشىلىگى وتكىزىلدى. ق ر ءى ءى م ۇلتتىق ۇلان جاۋىنگەرى جارىستا ءۇشىنشى ورىندى جەڭىپ الدى. بۇل تۋرالى Elorda.info. جازدى.

اتالمىش جارىسقا الەمنىڭ 18 مەملەكەتىنەن 500-دەن استام سپورتشى قاتىستى. قازاقستان رەسپۋبليكاسى ۇلتتىق ۇلانى «ورتالىق» وڭىرلىك قولباسشىلىعىنا قاراستى اسكەري ءبولىم قىزمەتكەرى ارمان ءجۇنىسوۆ الەم بىرىنشىلىگىندە ءوز كۇشىن سىناپ قايتتى.

ەرەسەكتەر اراسىنداعى 63 سالماق دارەجەسىندە باق سىناسقان ۇلاندىق جاۋىنگەر سايىس قورىتىندىسى بويىنشا 32 كەلىلىك گىردى 88 رەت كوتەرىپ، جارىس قورىتىندىسى بويىنشا جۇلدەلى ءۇشىنشى ورىندى يەلەندى.

سايىس قورىتىندىسى بويىنشا جەڭىمپاز اتانعان سپورتشىلارعا ارنايى ماداقتامالار مەن سىيلىقتار تابىستالدى.