ۇلتتىق بانك ينفلياتسيانى 5 پايىزعا دەيىن تومەندەتۋدى كوزدەپ وتىر
استانا. KAZINFORM - ۇلتتىق بانك ءتوراعاسى تيمۋر سۇلەيمەنوۆ پرەمەر-مينيستر ولجاس بەكتەنوۆ ءتوراعالىق ەتكەن ەكونوميكالىق ساياسات جونىندەگى كەڭەستىڭ وتىرىسىنا قاتىستى. جيىندا ماكروەكونوميكالىق تۇراقتىلىقتى قامتاماسىز ەتۋ ءۇشىن ينفلياتسياعا قارسى ءىس- قيمىلدى ۇيلەستىرۋ تەتىكتەرىن جەتىلدىرۋ ماسەلەلەرى قارالدى.
وتىرىسقا قاتىسۋشىلار ماكروەكونوميكالىق تۇراقتىلىققا جەتۋ ءۇشىن ينفلياتسيانى %5- عا دەيىن تومەندەتۋگە باعىتتالعان قادامداردى تالقىلادى.
ۇلتتىق بانك ءتوراعاسى تيمۋر سۇلەيمەنوۆ ينفلياتسيانى %5- دىق مەجەسىنە جەتكىزۋ - ماكروەكونوميكالىق ساياساتتىڭ باستى باعىتى بولىپ قالا بەرەتىنىن قاداپ ايتتى.
ينفلياتسيالىق كۇتۋلەردى تۇراقتاندىرۋ مەن ينفلياتسيانى تومەندەتۋدىڭ ورنىقتى باعىتىن قالىپتاستىرۋ ماقساتىندا ۇلتتىق بانك ۇستامدى قاتاڭ اقشا- كرەديت ساياساتىن جالعاستىرا بەرەدى.
— ۇستامدى قاتاڭ اقشا- كرەديت ساياساتىنان بولەك، ۇلتتىق بانك قوسىمشا شارالار قابىلداپ جاتىر، سونىڭ ىشىندە ماكروپرۋدەنتسيالىق سيپاتتاعى شارالار دا بار. ماسەلەن، قابىلدانعان شەشىمدەردى بارىنشا اشىق، سەنىمدى ەتۋ ءۇشىن اقشا- كرەديت ساياساتى كوميتەتى مۇشەلەرىنىڭ بازالىق ستاۆكانىڭ بولجانعان تراەكتورياسىنا قاتىستى جەكە باعالارى (جىلىنا 4 رەت)، سونداي-اق بازالىق ستاۆكا بويىنشا قابىلدانعان شەشىمدى تالقىلاۋ قورىتىندىسىنىڭ قىسقاشا مازمۇنى (جىلىنا 8 رەت) جاريالانىپ وتىرادى. بۇل شارالار ۇلتتىق بانكتىڭ ينفلياتسيانى %5- عا جەتكىزۋ ماقساتىنا جەتۋ جولىنداعى قادامدارىن بارىنشا اشىق ەتۋگە مۇمكىندىك بەرەدى، - دەلىنگەن ۇلتتىق بانك حابارلاماسىندا.
جىل باسىنان بەرى ۇلتتىق بانك التىن ساتىپ الۋدا مونەتارلىق بەيتاراپتىق ۇستانىمىن ۇستانىپ كەلەدى. بيىلعى ماۋسىمعا دەيىن ستەريليزاتسيالانعان اقشا كولەمى 1,4 تريلليون تەڭگە بالاماسىنا جەتىپ، ينفلياتسيا قىسىمىن ازايتۋعا ىقپال ەتتى.
سونداي-اق ازاماتتاردىڭ كرەديتتەرىنە كونترتسيكلدىك كاپيتال بۋفەرىن ەنگىزۋ تۋرالى شەشىم قابىلداندى. قازىر بانكتەرگە قويىلاتىن مينيمالدى رەزەرۆ تالاپتارىن ءوسىرۋ، قارىز جۇكتەمەسىنىڭ كوەففيتسيەنتى مەن قارىزدىڭ تابىسقا قاتىناسى سياقتى قوسىمشا رەتتەۋ قۇرالدارىن جەتىلدىرۋ باعىتىندا بەلسەندى جۇمىس ءجۇرىپ جاتىر.
ەكونوميكالىق ساياسات جونىندەگى كەڭەستىڭ وتىرىسىندا كوزدەگەن ينفلياتسيا دەڭگەيىنە جەتۋ ءۇشىن بارلىق جاۋاپتى مەملەكەتتىك ورگان كەلىسىلگەن ءارى جۇيەلى شارالار قابىلداۋى قاجەت ەكەنى ايتىلدى. بۇل رەتتە حالىق پەن بيزنەستىڭ سەنىمىن نىعايتۋ، ينفلياتسيانى كۇتۋدى تومەندەتۋ مەن جۇرگىزىلىپ جاتقان رەفورمالاردى بارىنشا ءتيىمدى ەتۋ ماقساتىندا اقپارات ساياساتىن كۇشەيتۋگە دە نازار اۋدارۋ قاجەت ەكەنى ءسوز بولدى.
وتىرىس قورىتىندىسى بويىنشا كەڭەس مۇشەلەرى بىرلەسىپ جۇمىس ىستەۋگە ءازىر ەكەندەرىن، سونىڭ ىشىندە 2025-2026 -جىلدارداعى ينفلياتسيانى باقىلاۋ جانە تومەندەتۋگە باعىتتالعان جاڭارتىلعان شارالار كەشەنىن ۇكىمەتتىڭ جەكە قاۋلىسىمەن قابىلداۋعا دايىن ەكەندەرىن راستادى. ۇلتتىق بانك پەن ۇكىمەت باعا تۇراقتىلىعى مەن ماكروەكونوميكالىق تەپە- تەڭدىكتى قامتاماسىز ەتۋ ءۇشىن كۇش سالادى.
