ۇلتتىق بانك قاڭتاردا ۇلتتىق قوردان قانشا دوللار ساتادى

استانا. KAZINFORM - ۇلتتىق بانك قاڭتار ايىندا ۇكىمەتتىڭ ۇلتتىق قوردان قانشا دوللار ساتۋدى كوزدەپ وتىرعانىن ءمالىم ەتتى.

- ۇكىمەتتىڭ رەسپۋبليكالىق بيۋدجەتكە ترانسفەرتتەر ءبولۋ تۋرالى الدىن الا بولجامدى ءوتىنىمى بويىنشا ۇلتتىق بانك 2025 -جىلعى قاڭتاردا ۇلتتىق قوردان 750 دەن 850 ميلليون دوللارعا دەيىنگى مولشەردە ۆاليۋتا ساتۋى مۇمكىن، - دەپ جازىلعان اقپاراتتىق حابارلامادا.

ۇلتتىق بانك مالىمەتى بويىنشا، جەلتوقسان ايىندا ۇلتتىق قوردان رەسپۋبليكالىق بيۋدجەتتىڭ ترانسفەرتتەرىنە دەپ 900 ميلليون دوللار ساتىلعان.

- ۇلتتىق قوردىڭ ساۋدا- ساتتىقتاعى ۇلەسى %17 نەمەسە كۇنىنە شامامەن 43 ميلليون دوللار بولدى. ۇلتتىق بانك ۇلتتىق قور قاراجاتىمەن وپەراتسيالار جۇرگىزگەندە نارىقتاعى بەيتاراپتىق قاعيداتتى ساقتايدى، - دەپ جازادى ۇلتتىق بانك ماماندارى.

بيىل ۇلتتىق قورعا 3,7 تريلليون ءتۇسىپ، ترانسفەرت رەتىندە 5,3 تريلليون تەڭگە الىندى.