ۇلتتىق بانك كريپتواكتيۆتەرگە سالىنۋى مۇمكىن قاراجات سوماسىن اتادى

استانا. KAZINFORM – ق ر ۇلتتىق بانكى ءتوراعاسىنىڭ ورىنباسارى بەرىك شولپانقۇلوۆ ۇلتتىق قور مەن التىن-ۆاليۋتا قورى قاراجاتىنىڭ ءبىر بولىگىن كريپتواكتيۆتەرگە سالۋ مۇمكىندىگىنە قاتىستى تۇسىنىك بەردى.

بۇگىن سەناتتا «قازاقستاندا سيفرلىق اكتيۆتەر يندۋسترياسىن دامىتۋ» تاقىرىبىنا ارنالعان جيىننان كەيىن تىلشىلەر كريپتواكتيۆتەرگە قانشا قاراجات باعىتتالاتىنىن سۇرادى.

- بۇل كريپتواكتيۆتەر ءبىزدىڭ اكتيۆتەرمەن، باعالى قاعازدارمەن ۇقساس. ەگەر ول پەرسپەكتيۆتى جانە جوعارى تابىستى اكتيۆ بولاتىنىنا كوز جەتكىزسەك، ياعني بولاشاقتا وڭتايلى ناتيجە بەرەتىنىن كورسەك، وندا ءتيىستى قاراجاتتى سالۋدى قاراستىرامىز، - دەدى بەرىك شولپانقۇلوۆ.

بۇل تۇرعىدا جۋرناليستەر وسى باعىتتا قانشا قاراجات قاراستىرىلعانى تۋرالى سۇراق قويدى.

- قازىر ناقتى ايتۋ قيىن. دەگەنمەن، شامامەن 300 ميلليون ا ق ش دوللارى بولۋى ىقتيمال. اتاپ ايتقاندا، ەرتەڭ وسى سوما بولىنەدى دەگەندى بىلدىرمەيدى. وسى پروتسەستى زەرتتەپ جاتىرمىز، - دەدى ۇلتتىق بانك ءتوراعاسىنىڭ ورىنباسارى.

بۇعان دەيىن حابارلانعانداي، كريپتوۆاليۋتالاردى ايىرباستايتىن ۇيىمدار قۇرىلادى.