ۇلتتىق بانك باسشىسى قوردان بالالارعا اقشا اۋدارۋعا اسەر ەتەنىن فاكتورلاردى ايتتى

ۇلتتىق بانك ءتوراعاسى تيمۋر سۇلەيمەنوۆ ۇلتتىق قور تابىسىنان بالالارعا اۋدارىلاتىن قاراجات دەڭگەيى قانداي فاكتورلارعا بايلانىستى بولاتىنىن ءتۇسىندىردى، دەپ حابارلايدى Kazinform.

اتاپ ايتقاندا، كەلەر جىلدىڭ 1- اقپانىنان ۇلتتىق قور تابىسىنان بالالارعا قاراجات اۋدارىلا باستايدى.

«تولەمدەر ۇلتتىق قوردان باعىتتالادى. بۇل تۇرعىدا كەم دەگەندە ءۇش فاكتور ەسكەرىلگەن. بىرىنشىدەن، تۇراقتى كىرىس بولۋى كەرەك، وعان مۇناي باعاسى، مەتال قۇنى، سالىق سالاسىنداعى اكىمشىلەندىرۋ ەلەۋلى اسەر ەتەدى»، - دەدى ت. سۇيلەيمەنوۆ ءماجىلىستىڭ جالپى وتىرىسىندا دەپۋتاتتاردىڭ سۇراعىنا جاۋاپ بەرە وتىرىپ.

ۇلتتىق بانك باسشىسى فيسكالدىق ءتارتىپ ماسەلەسىن دە اتاپ ءوتتى.

«ەكىنشىدەن، بۇل ءبىزدىڭ فيسكالدىق تارتىپكە بايلانىستى بولادى. ياعني، ۇلتتىق قوردان قانشا الاتىنىمىزدى، قانشاسىن ماقساتتى كەپىلدەندىرىلگەن ترانسفەرت رەتىندە اۋداراتىنىمىزدى ەسكەرۋ كەرەك. ال كەلەسى كومپونەنت ۇلتتىق قوردىڭ ءوزىن باسقارۋ تيىمدىلىگىنە بايلانىستى بولادى»، - دەدى تيمۋر سۇلەيمەنوۆ.

بۇدان بۇرىن ۇ ب باسشىسى قازاقستاندا ۇلتتىق قور قاراجاتىن باسقارۋ ساياساتى وزگەرەتىنىن ايتتى.