نۇر-سۇلتاندا LRT قۇرىلىسى رەسمي تۇردە قايتا باستالدى
«قازىر قۇرىلىس ماۋسىمىنا بايلانىستى جۇمىستار قايتا جانداندى. شارت بۇرىنعى، ولار كەلىسىمشارتتاردا بەلگىلەنگەن. بىزدە قىتايلىق تا، جەرگىلىكتى دە سەرىكتەستەر بار. شارتتىق مىندەتتەمەلەرگە سايكەس جۇمىستار ءجۇرىپ جاتىر.
جۇمىس بەلسەندى ءجۇرىپ جاتىر دەپ ايتا المايمىن. بەلسەندى جۇمىس قارجىنىڭ تۇسكەنىنە قاراي جالعاسادى. قازىر كونكۋرستىق راسىمدەر، بانكتەردى تاڭداۋ ءجۇرىپ جاتىر. قارجىلاندىرۋ كوزىن انىقتاعاننان كەيىن جۇمىستى بەلسەندى تۇردە باستايمىز»، - دەدى اكىم و ك ق ونلاين-بريفينگىندە جۋرناليستەردىڭ سۇراعىنا جاۋاپتا.
التاي كولگىنوۆتىڭ ايتۋىنشا، بەتون نەمەسە قۇرىلىس- مونتاجداۋ جۇمىستارىن جۇرگىزبەس بۇرىن مىندەتتى تۇردە تەحنيكالىق ساراپتاما جۇرگىزىلەدى.
«بۇل تەحنيكالىق قاداعالاۋ ءبولىمىنىڭ باقىلاۋىندا. تەحنيكالىق قاداعالاۋ بار. ماماندار جۇمىس ىستەپ جاتىر»، - دەدى ول.
بۇعان دەيىن نۇر-سۇلتاندا LRT جوباسى بويىنشا قۇرىلىس- مونتاجداۋ جۇمىستارى قايتا باستالعانى حابارلانعان بولاتىن.
قىتايلىق مەردىگەر دايىندىق جۇمىستارىن جۇرگىزىپ جاتقانى بەلگىلى.
