LRT دەپوسى 50 پايىزعا دايىن
استانا. KAZINFORM - استانا قالاسىندا LRT دەپوسىنىڭ كەشەندى ورتالىعىنىڭ نىساندارى مەن عيماراتتارىنىڭ قۇرىلىسى جالعاسىپ جاتىر. بۇل تۋرالى CTS كولىك كومپانياسى ءمالىم ەتتى.
دەپو - جىلجىمالى قۇرامدى سەنىمدى پايدالانۋدى، تەحنيكالىق قىزمەت كورسەتۋدى جانە ساقتاۋدى قامتاماسىز ەتەتىن كولىك ينفراقۇرىلىمىنىڭ نەگىزگى بۋىنى. بۇگىندە نىساننىڭ دايىندىعى 50 پايىزدى قۇرايدى.
كەشەندى ورتالىققا باسقارۋ ورتالىعى، پايدالانۋ دەپوسى، جوندەۋ دەپوسى، لوكوموتيۆ دەپوسى سياقتى بىرنەشە نەگىزگى نىساندار كىرەدى.
- دەپونىڭ كەشەندى ورتالىعىن قۇرۋ LRT تەحنيكاسىن پايدالانۋعا، جوندەۋگە جانە قىزمەت كورسەتۋگە بايلانىستى بارلىق پروتسەستەردى ورتالىقتان باسقارۋعا مۇمكىندىك بەرەدى. قازىرگى كەزەڭدە پايدالانۋ جانە لوكوموتيۆ دەپوسىنداعى نەگىزگى تەمىربەتون جانە مەتال كونسترۋكتسيالىق جۇمىستار اياقتالدى. ىشكى بولىمدەردى مونتاجداۋ جۇمىستارى جۇرگىزىلىپ جاتىر، - دەلىنگەن حابارلامادا.
كەشەندى ورتالىقتى ىسكە قوسۋ بارلىق 18 ستانتسيانىڭ جانە تۇتاستاي العاندا بۇكىل جەلىنىڭ تۇراقتى جۇمىس ىستەۋى ءۇشىن قاجەتتى پويىزداردىڭ قوزعالىسىن جانە بارلىق LRT ينفراقۇرىلىمىنىڭ جاي-كۇيىن تاۋلىك بويى باقىلاۋدى قامتاماسىز ەتەدى.
جۇمىستار بەكىتىلگەن كەستەگە سايكەس جۇرگىزىلىپ جاتىر.
بۇعان دەيىن حابارلانعانداي، استانادا LRT جەلىسىنىڭ جارتىسىنا جۋىعى دايىن بولدى.
ال 11-ماۋسىم كۇنى 101-ستانتسياسىنا العاشقى LRT قۇرامى كوتەرىلگەن بولاتىن.
قالا اكىمى جەڭىس قاسىمبەك قۇرىلىس 2026-جىلدىڭ 1-توقسانىندا رەسمي ىسكە قوسىلاتىنىن مالىمدەگەن ەدى.
