گۇلميرا مۇرسالوۆا: ا ە س- ءتى دامىعان ەلدەر عانا سالادى دەپ ايتۋ - قاتە پىكىر
الماتى. KAZINFORM - الماتىدا اتوم ەلەكتر ستانتسياسىن سالۋ ماسەلەسى تالقىلاندى. قوعامدىق تالقىلاۋعا جاۋاپتى ۆەدومستۆو مەن اكىمدىك وكىلدەرى، قوعامدىق كەڭەستىڭ مۇشەلەرى، قالا تۇرعىندارى مەن ساراپشىلار قاتىستى.
قوعامدىق تالقىلاۋ كەزىندە ق ر ە م اتوم ەنەرگەتيكاسى جانە ونەركاسىپ دەپارتامەنتى ديرەكتورىنىڭ ورىنباسارى گۇلميرا مۇرسالوۆا ەلىمىزدەگى ەلەكتر ستانسيالارىنىڭ جاعدايىنا توقتالدى.
- قازاقستاندا ەلەكتر ستانتسيالارىنىڭ %70 كومىرمەن جۇمىس ىستەيدى. ولاردىڭ توزۋ دەڭگەيى وتە جوعارى. وعان قوسا، قازاقستاندا ەنەرگيا تۇتىنۋ كولەمى دە ءوسىپ جاتىر. سوندىقتان ۇكىمەت كەلەسى 10 جىلدىقتا 26,5 گ ۆ ت قۋاتتىلىعى بار ستانسيالاردى ىسكە قوسۋدى جوسپارلاپ وتىر. سەبەبى بولاشاقتا توزعان ستانسيالاردىڭ كەيبىرىنىڭ جۇمىسىن توقتاتۋ كەرەك بولادى. وسى 26,5 گ ۆ ت ىشىندە جاڭارتىلعان ەنەرگيا كوزدەرى بار، - دەدى سپيكەر.
سونداي-اق ول كومىرمەن جۇمىس ىستەيتىن ستانسيالارعا قاراعاندا ا ە س- ءتىڭ قانداي ارتىقشىلىعى بار ەكەنىن اتاپ ءوتتى.
- ارينە، كومىرمەن جۇمىس ىستەيتىن قولدانىستاعى ستانتسيالارعا دا جوندەۋ جۇمىستارى جۇرگىزىلەدى. الايدا قازىرگى ۋاقىتتا الەمدەگى ەكولوگيالىق جاعدايعا بايلانىستى كومىرمەن جۇمىس ىستەيتىن ستانتسيالارعا حالىقارالىق ۇيىمدارمەن قارجى بولىنبەيدى. سەبەبى كومىرمەن جۇمىس ىستەيتىن ستانتسيالاردان وتە كوپ كومىرقىشقىل گاز بولىنەدى. وسى سەبەپتەن ءبىز تۇراقتى جۇمىس ىستەيتىن ءارى جاسىل ەنەرگەتيكاعا جاتاتىن اتوم ەلەكتر ستانتسياسىن قاراستىرىپ جاتىرمىز. ا ە س رەفەرەندۋم ناتيجەسى وڭ بولعان كەزدە عانا سالىنادى، - دەدى ول.
گۇلميرا مۇرسالوۆانىڭ ايتۋىنشا، ا ە س- ءتى دامىعان ەلدەر عانا سالادى دەپ ايتۋ - قاتە پىكىر.
- 2800 م گ ب قۋاتتىلىعى بار اتوم ەلەكتر ستانسياسىمەن بىردەي ەنەرگيا كوزىن الۋ ءۇشىن جەلمەن جۇمىس ىستەيتىن 8 ستانسيانى سالۋ كەرەك. سوندىقتان قازىر الەم اتوم ەلەكتر ەنەرگياسىنا قاراپ وتىر. قازىر الەمدە 415 رەاكتور جۇمىس ىستەيدى. ونىڭ كوپ بولىگى ا ق ش پەن فرانسيادا. ءبىراق ا ە س- ءتى دامىعان ەلدەر سالادى دەپ ايتۋ - قاتە پىكىر. ولار وزدەرىن تۇراقتى ەنەرگيامەن قامتاماسىز ەتە العاندىقتان، دامىعان مەملەكەتتەرگە اينالدى. بىلتىر قولدانىلعان 115 ميلليارد ك ۆ ت ساعاتتىڭ 2 ميلليارد ك ۆ ت ساعاتىن ءبىز رەسەيدەن جوسپارلى تۇردە ساتىپ الدىق. بولاشاقتا كورشىلەردىڭ ەلەكتر ەنەرگياسىنا تاۋەلدى بولماس ءۇشىن ءبىز ءوزىمىزدى قامتاماسىز ەتۋىمىز كەرەك، - دەدى گۇلميرا مۇرسالوۆا.
