مەملەكەت باسشىسى: انا ءتىلى ماسەلەسى - مەملەكەتتىك، ساياسي جانە ۇلتتىق ماڭىزى بار تاقىرىپ
استانا. KAZINFORM - مەملەكەت باسشىسى قاسىم-جومارت توقايەۆ حالىقارالىق «قازاق ءتىلى» قوعامىنىڭ 10- قۇرىلتايىندا ءسوز سويلەدى.
— بارشاڭىزبەن بىرگە حالىقارالىق «قازاق ءتىلى» قوعامىنىڭ 10- قۇرىلتايىندا باس قوسىپ وتىرعانىمىزعا ريزامىن. بۇگىنگى جيىننىڭ ءمان-ماعىناسى ەرەكشە. سەبەبى انا ءتىلى ماسەلەسى، بۇل - مەملەكەتتىك، ساياسي جانە ۇلتتىق ماڭىزى بار تاقىرىپ، - دەدى قاسىم-جومارت توقايەۆ تاۋەلسىزدىك سارايىندا ءوتىپ جاتقان جيىندا.
پرەزيدەنتتىڭ ايتۋىنشا، قازىرگى تاڭدا دۇنيە جۇزىندە ءتىل وزەكتى، نازىك ماسەلەگە اينالىپ كەتتى.
— بۇل ۇردىسكە ءبارىمىز كۋا بولىپ وتىرمىز. ەڭ الدىمەن، وسى جەردە ءسوز سويلەپ، مازمۇندى ويلارىن ورتاعا سالعان ازاماتتارعا العىسىمدى بىلدىرەمىن. سالماقتى پىكىرلەر، ۇتىمدى ۇسىنىستار ايتىلدى. سونىڭ ءبارىن مۇقيات قاراپ، الداعى جۇمىسىمىزدا مىندەتتى تۇردە ەسكەرۋ قاجەت، — دەدى مەملەكەت باسشىسى.
كەشە مەملەكەت باسشىسى حالىقارالىق «قازاق ءتىلى» قوعامىنىڭ ءتوراعاسى راۋان كەنجەحان ۇلىن قابىلداعان ەدى.
پرەزيدەنت مەملەكەتتىك ءتىلدى ۇيرەتۋدە ج ي الەۋەتىن بارىنشا پايدالانۋ كەرەكتىگىن ايتتى.
