ۇلكەندەر جىبەرەتىن 7 قاتەلىك

استانا. قازاقپارات - تومەندەگى 7 قاتەلىكتى كەز كەلگەن جاستاعى ادام ءبىلۋى ءتيىس. ولاردى قاراپ شىعۋ كوپ ۋاقىتىڭىزدى المايدى.

ەۋروپا پسيحولوگتارىنىڭ انىقتاۋىنشا، جاستايىنان جۇگىرىپ، دالادا توپىراققا اۋناپ، تىزەسىمىن جىعىلىپ جاراقات الماعان بالا وسكەن كەزدە فوبيا سەكىلدى قورقىنىشتارعا يە بولادى ەكەن.

بالا قۇلاپ، بىرنەشە رەت جاراقات الۋ ارقىلى ءومىردى تۇسىنگەندەي بولادى. 

1. ءبىز بالالارعا نار تاۋەكەل سەزىمىن باستان كەشىرۋگە مۇمكىندىك بەرمەيمىز. ولاردىڭ قاۋىپسىزدىگى ءبىرىنشى ورىندا دەپ، ءومىردىڭ قيىندىقتارىنان ساقتاپ قالۋعا تىرىسامىز. الايدا بۇل ارەكەتىمىز قاتە.

ولارعا ومىردە جاقسى مەن جاماننىڭ قاتار جۇرەتىندىگىن ۇيرەتكەنىمىز ابزال.

مىسالى، العاشقى ماحابباتتىڭ اششى ءدامىن تاتسا، سەزىمدى بەرىك ساقتاۋدىڭ ماڭىزدىلىعىن تۇسىنەدى. ۇلكەندەر بالالاردى قورعايمىز دەپ ولاردىڭ بويىنا تاكاپپارلىق، ءوزىن باعالاي الماۋ سىندى جاعىمسىز قاسيەتتەردىڭ ءوسىپ شىعۋىنا جاعداي جاساپ جاتقاندىعىن سەزىنە بەرمەيدى.

2. ءبىز تىم جىلدام كومەكتەسەمىز. بالاعا جىلدام كومەكتەسۋ ارقىلى ونى ءوز بەتىمىەن ىزدەنىپ، قيىن ماسەلەلەردى ءوزى عانا شەشۋ مۇمكىندىگىنەن ايىرامىز. كوپ ۋاقىت وتپەي بالا قانداي جاعدايعا تاپ بولسام دا، ماعان كومەكتەسەتىن ادام بار دەپ ويلايدى. ال ءومىر تىم قاتال. وندا ماحاببات پەن سۇيىسپەنشىلىككە ورىن بولسا دا، ادامداردىڭ ءبىر-بىرىنە كومەكتەسىپ ۇلگەرمەي قالۋى عاجاپ ەمەس.

3. ولاردى شامادان تىس ماقتاپ جىبەرەمىز. بالا جەڭىستىڭ بارلىعىنا دا تيەسىلى ەكەنىن سەزىنەدى. ارادا ۋاقىت وتكەن سوڭ بۇلاي ويلايتىن تەك قانا تۋعاندارى ەكەنىن ءتۇسىنىپ، اتا-اناسىنا وتىرىك ايتادى. سەبەبى، وعان ماقتان ءسوز ەستۋ ماڭىزدى.

4. كىنانى سەزىنۋ ارقىلى جاقسى قاسيەتتەرىن جاسىرىپ قويادى. بالا شامادان تىس ەركەلىگىنىڭ ارقاسىندا ءومىر جولىندا كەزىكتىرگەن قيىندىقتاردى جەڭە الماۋى مۇمكىن. سول سەبەپتى، جاستايىنان «جوق»، «تەك قازىر ەمەس» سىندى سوزدەردى ەستىگەنى ءجون.

اتا-انالار وتباسىندا بىرنەشە بالا بولسا، ولاردىڭ بارلىعىن بىردەي ماقتاعىسى كەلەدى. ءبىراق بارلىعىن بىردەي ماقتاي بەرۋ مۇمكىن ەمەس. وسىلايشا بالانى تابىس ءوزىنىڭ ارقاسىندا عانا كەلەتىندىگىن ءتۇسىنۋ مۇمكىندىگىنەن ايىرامىز.

5. ءبىز ولارعا ءوزىمىز جاساعان قاتەلىكتەردەن باس تارتۋدى ۇيرەتە المايمىز. جاس ءوسپىرىمنىڭ قانات جايىپ، سەرپىلىس جاساعىسى كەلەتىن ۋاقىتى تۋادى. ۇلكەندەر بۇل ارەكەتتەرىنە مۇمكىندىك بەرۋى كەرەك. ولاردىڭ بارلىق قيىندىقتارىن شەشىپ بەرۋگە ۇمتىلماي، ءوزىمىزدىڭ بۇرىن-سوڭدى جىبەرگەن قاتەلىكتەرىمىزدى ايتىپ، ساباق الدىرىپ ۇيرەنگەنىمىز ءجون.

ءدال ولاردىڭ جاسىندا قانداي قاتەلىكتەر جاساعانىڭىزدى ايتىپ بەرىڭىز. ءبىراق شىلىم شەگۋ، ىشىمدىك جانە اناشا سەكىلدىلەردى اۋىزعا الۋدان اۋلاق بولىڭىز. جانە وسى قاتەلىكتەردەن قانداي ساباق العانىڭىزدى ايتىڭىز.

6. ءبىلىم مەن اقىلدى شاتاستىرمايىق. ءبىلىمدى بالا مەن اقىلدى ادامنىڭ اراسىندا الشاقتىق بار. ادەتتە، ساباعىن جاقسى وقيتىن بالا ۇلكەن ومىرگە دايىن دەپ ويلايمىز. مىسالى، تالانتتى جۇلدىزدار دا جانجالعا تاپ بولادى. ءبىلىمدى بالانى بارلىق جاعىنان جاقسى دەپ ايتۋ قيىن. سوندىقتان، بالاڭىزعا اقىلدى بولۋدى ۇيرەتىڭىز.

7. بالالارعا ۇلگى كورسەتە المايمىز. تاربيەنى سوزىمىزبەن عانا ەمەس، ىسىمىزبەن دە كورسەتە ءبىلۋىمىز كەرەك. ولار ءۇشىن ءبىز ەلىكتەۋگە تۇرارلىق تۇلعامىز. جاسى كىشىلەر بىزگە قاراپ بوي تۇزەيدى. سوندىقتان، ەڭ مايدا دەگەن ىستەرىڭىزگە دە ءمان بەرگەنىڭىز ابزال. اتا-انا - بالالار ءۇشىن ناعىز اينا.

ال ءسىز وزىڭىزدەن جاسى كىشىلەردى قالاي تاربيەلەگەن دۇرىس دەپ ويلايسىز؟

دايىنداعان: قارلىعا بۇيەنباي

massaget.kz