ۇلكەن الماتى كانالىن جاڭعىرتۋ قاشان اياقتالادى
الماتى. KAZINFORM - الماتىدا ۇلكەن الماتى كانالىن قايتا جاڭعىرتۋ جۇمىستارى قازان ايىندا اياقتالۋعا ءتيىس. الايدا قالا اكىمى دارحان ساتىبالدى نىساندى جاز مەزگىلىندە سۋ جىبەرىپ تەكسەرۋ ءۇشىن جۇمىستى جەدەلدەتۋدى تاپسىردى.
الماتى اكىمدىگىنىڭ مالىمەتىنشە، ۇزىندىعى 23,1 شاقىرىم ۋچاسكەدە قازىر اۋقىمدى جۇمىستار ءجۇرىپ جاتىر. اتاپ ايتقاندا، كانالدىڭ ءتۇبى بەتونمەن قاپتالىپ، ارناسى تازارتىلىپ جانە گيدروتەحنيكالىق قۇرىلىستار جوندەلىپ جاتىر. سونىمەن قاتار اۋماقتى اباتتاندىرۋ قاتار جۇرگىزىلىپ، كەسپەتاس توسەۋ، جارىقتاندىرۋ ورناتۋ جانە كوگالداندىرۋ بويىنشا شەشىمدەر قابىلدانعان.
قالا اكىم مەردىگەرلەرگە جۇمىستى بەلگىلەنگەن مەرزىمنەن كەشىكتىرمەۋدى ەسكەرتتى. ونىڭ سوزىنشە، جازدا سۋ جىبەرىلىپ، نىساننىڭ ساپاسى تەكسەرىلمەيىنشە، جوبا قابىلدانبايدى.
ايتا كەتەيىك، ۇلكەن الماتى كانالى 1980 -جىلداردىڭ باسىندا پايدالانۋعا بەرىلگەن. 2025 -جىلى جازدا باستالعان قايتا جاڭعىرتۋ جۇمىسىنىڭ قۇنى 12,4 ميلليارد تەڭگە دەپ باعالانعان. مەردىگەر - سايران مەن ۇلكەن الماتى كولى جوبالارىمەن اينالىسقان كومپانيا، بۇل جۇمىستار كەشىكتىرىلىپ اياقتالعان.
