ەلدىڭ باسىم بولىگىندە 6-مامىردا جەل كۇشەيەدى

استانا. KAZINFORM - قازگيدرومەت قازاقستان ايماقتارىندا 6-مامىردا بولاتىن قاۋىپتى مەتەورولوگيالىق قۇبىلىستارعا بولجاۋ كونسۋلتاتسياسىن جاريالادى.

ق ر باسىم بولىگىندە اتموسفەرالىق فرونتالدى بولىمدەردىڭ وتۋىنە بايلانىستى قۇبىلمالى اۋا رايى ساقتالادى: نايزاعاي ويناپ، جاڭبىر جاۋادى؛ تۇندە ەلدىڭ وڭتۇستىگىندە، وڭتۇستىك- شىعىسىندا جانە شىعىسىندا قاتتى جاڭبىر جاۋادى. تەك سولتۇستىكتە، ەلدىڭ ورتالىعىندا جاۋىن-شاشىن بولمايدى. رەسپۋبليكا بويىنشا جەلدىڭ كۇشەيۋى كۇتىلۋدە، وڭتۇستىكتە، وڭتۇستىك- شىعىستا - داۋىل، وڭتۇستىك-شىعىستا - بۇرشاق، سولتۇستىك-باتىستا، وڭتۇستىكتە، ورتالىقتا - تۇمان.

تۇندە اقمولا، سولتۇستىك قازاقستان وبلىستارىندا، قوستاناي وبلىسىندا 1-6 گرادۋس ۇسىك ساقتالادى، اقتوبە وبلىسىنىڭ سولتۇستىگىندە، پاۆلودار، قاراعاندى وبلىستارىنىڭ باتىسىندا، سولتۇستىگىندە 3 گرادۋس ۇسىك كۇتىلەدى.

ماڭعىستاۋ وبلىسىنىڭ باسىم بولىگىندە، اتىراۋ وبلىسىنىڭ باتىسىندا، سولتۇستىگىندە، شىعىسىندا، قاراعاندى وبلىسىنىڭ باتىسىندا، وڭتۇستىگىندە، ورتالىعىندا، ۇلىتاۋ وبلىسىنىڭ شىعىسىندا، ورتالىعىندا، قىزىلوردا وبلىسىنىڭ باتىسىندا، اقتوبە وبلىسىنىڭ وڭتۇستىك- باتىسىندا جوعارى ءورت قاۋپى ساقتالادى.

اۆتور
ەربول جانات