19:55, 31 - قازان 2024 | GMT +6
ەلدوس سمەتوۆتىڭ ەسىمى التىن تۇستە جازىلادى
استانا. KAZINFORM - حالىقارالىق دزيۋدو فەدەراتسياسى (IJF) وليمپيادا چەمپيونى ەلدوس سمەتوۆكە ەرەكشە مارتەبە بەردى. وتانداسىمىز الداعى جارىستاردا ەسىمى التىن تۇسپەن جازىلعان كيمونومەن تاتاميگە شىعاتىن بولادى، - دەپ حابارلايدى msports.kz سايتى.
IJF قازاقستاندىق سپورتشىعا حات جولداپ، ءنومىر بەرگەن. 60 كەلىدە پاريج وليمپياداسىندا توپ جارعان ەلدوستىڭ كيمونوسىنداعى ەسىمى التىن ءتۇستى جازۋمەن جازىلادى. بۇل ءتورت جىلدىقتىڭ باستى ويىندارىندا توپ جارعان دزيۋدوشىلارعا بەرىلەتىن ەڭ باستى مارتەبە.
ايتا كەتەيىك، ءۇش بىردەي وليمپيادا ويىندارىندا جۇلدە العان العاشقى قازاق دزيۋدوشىسى. ول ريودا كۇمىس، توكيودا قولا مەدال يەلەنىپ، بيىل پاريج وليمپياداسىندا چەمپيون اتاندى.
