22:50, 08 - شىلدە 2025 | GMT +5
ەلدوس سمەتوۆ 2028-جىلعى وليمپيادا تۋرالى ويىن ايتتى
استانا. KAZINFORM - قازاقستاندىق دزيۋدوشى ەلدوس سمەتوۆ ءوز كارەراسىنداعى شەشۋشى فينال تۋرالى ايتتى. سونىمەن قاتار، 2028-جىلعى وليمپيادا ويىندارىنا قاتىسۋدى جوسپارلاپ وتىرعانىن راستادى.
ەلدوس سمەتوۆ 2024-جىلى فرانسيا استاناسى پاريجدە وتكەن وليمپيادا ويىندارىندا التىن جەڭىپ الدى. شەشۋشى بەلدەسۋدە قازاقستاندىق سپورتشىعا فرانسيالىق دزيۋدوشى قارسىلاس بولدى.
فينال جوعارى مارتەبەلى قوناقتاردىڭ نازارىندا ءوتتى: تريبۋنادا فرانسيا پرەزيدەنتى ەممانۋەل ماكرون وتىردى، ال قازاقستان پرەزيدەنتى قاسىم-جومارت توقايەۆ بەلدەسۋدى ونلاين رەجيمدە تاماشالادى.
وليمپيادالىق تسيكل اياقتالعاننان كەيىن ەلدوس سمەتوۆ ءبىراز ۋاقىت ءۇزىلىس العان بولاتىن.
«وليمپيادادان كەيىن دەمالدىم. ەندى كەلەسى وليمپياداعا قاتىسۋ تۋرالى شەشىم قابىلدادىم»، - دەدى ەلدوس سمەتوۆ.
