ەلۋدەن اسا ەل ا ق ش- پەن تاريف بويىنشا كەلىسسوزدەر جۇرگىزۋگە نيەت تانىتتى

استانا. قازاقپارات- دونالد ترامپتىڭ باج سالىعىنان كەيىن 50 دەن اسا مەملەكەتتەن ساۋدا كەلىسسوزىن جۇرگىزۋ تۋرالى ۇسىنىس ءتۇستى، دەپ حابارلايدى 24kz.

 بۇل تۋرالى اق ۇيگە قاراستى ۇلتتىق ەكونوميكالىق كەڭەستىڭ ديرەكتورى كيەۆين حاسسەتت جاريا ەتتى. دەسە دە، ول ناقتى قاي ەلدەر ەكەنىن اشىپ ايتپادى. وتكەن اپتادا ا ق ش پرەزيدەنتى 185 مەملەكەتتەن كەلەتىن تاۋارلارعا تاريف ەنگىزگەن ەدى. ونىڭ ەڭ تومەنگى مەجەسى %10- تەن باستالادى. وڭتۇستىك-شىعىس ازياداعى ەلدەر ءۇشىن باج سالىعىنىڭ مولشەرى %49- كە دەيىن جەتەدى.

185 ەلدىڭ تىزىمىندە رەسەي جوق. ەكونوميستىڭ تۇسىندىرۋىنشە، پرەزيدەنت كەلىسسوز ءجۇرىپ جاتقاسىن ونى قوسپاۋ شەشىمىن قابىلداعان. ترامپتىڭ ساۋدا ساياساتىنان كەيىن قور نارىعى قۇلدىراپ، نارازىلىق اكسيالارى كوبەيىپ كەتتى. كيەۆين حاسسەتت بۇعان قاتىستى بىلاي دەيدى. كيەۆين حاسسەتت، ا ق ش ۇلتتىق ەكونوميكالىق كەڭەسىنىڭ ديرەكتورى:

 - مۇنداعى ماقسات نارىقتى قۇلدىراتۋ ەمەس. بۇل امەريكالىق جۇمىسشىلار ءۇشىن التىن عاسىر ورناۋى ءۇشىن جاسالىپ وتىر. ەلدە 15 جىل بويى جالاقى تەك تومەندەپ كەلدى. ەكونوميكاداعى جاعدايدى وزگەرتۋ ءۇشىن حالىق دونالد ترامپتى تاڭدادى. پرەزيدەنت امەريكالىقتاردىڭ قالاۋىن ورىنداۋمەن اينالىسىپ جاتىر. ءبىز الدىڭعى ايلاردىڭ ستاتيستيكاسىن الدىق. سوعان سايكەس، وڭدەۋ ونەركاسىبىندە جۇمىسپەن قامتۋ دەڭگەيى ارتقان. ترامپ بيلىككە كەلگەلى اۆتوموبيل ونەركاسىبىندە 10 مىڭعا جۋىق جاڭا جۇمىس ورنى اشىلدى. دجو بايدەن كەزىندە بۇكىل ءبىر جىل ىشىندە مۇنداي كورسەتكىشكە جەتپەگەن ەدىك.