ەلدار باقپايەۆ اباي وبلىسى اكىمى اپپاراتىنىڭ باسشىسى بولىپ تاعايىندالدى
استانا. KAZINFORM - پرەزيدەنت اكىمشىلىگىنىڭ كەلىسىمىمەن، اباي وبلىسىنىڭ اكىمى بەرىك ءۋاليدىڭ وكىمىمەن 2025 -جىلدىڭ 30 -ساۋىرىنەن باستاپ ەلدار قۇسمان ۇلى باقپايەۆ وبلىس اكىمى اپپاراتىنىڭ باسشىسى لاۋازىمىنا تاعايىندالدى.
ايماق باسشىسى بۇگىن وبلىس اكتيۆىنە تانىستىردى.
ەلدار قۇسمان ۇلى باقپايەۆ 1986 -جىلى 12- ساۋىردە شىعىس قازاقستان وبلىسى كۇرشىم اۋدانىندا دۇنيەگە كەلگەن.
2009 -جىلى س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ «جۋرناليستيكا» ماماندىعىن، 2021 -جىلى قازاق يننوۆاتسيالىق گۋمانيتارلىق- زاڭ ۋنيۆەرسيتەتىنىڭ ماگيستراتۋراسىن ءتامامداعان، «ەكونوميكا عىلىمدارىنىڭ ماگيسترى» اكادەميالىق دارەجەسى بەرىلگەن.
ەڭبەك جولىن 2009 -جىلى پاۆلودار قالاسىنداعى «يربيس ت ۆ» تەلەكومپانياسىنان باستاعان.
ءار جىلدارى قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ قوعاممەن بايلانىس دەپارتامەنتىنىڭ باسشىسى، قازاقستان رەسپۋبليكاسى پرەزيدەنتىنىڭ باسپا ءسوز قىزمەتىنىڭ ساراپشىسى، كونسۋلتانتى، «حابار 24» تەلەارناسىنىڭ ديرەكتورى قىزمەتتەرىن اتقاردى.
تاعايىندالعانعا دەيىن قازاقستان رەسپۋبليكاسى پرەزيدەنتى باسپا ءسوز حاتشىسىنىڭ ورىنباسارى بولعان.
بۇعان دەيىن ستراتەگيالىق جوسپارلاۋ جانە رەفورمالار اگەنتتىگى اپپاراتىنىڭ باسشىسى تاعايىندالدى.
