ەلدە قانشا مادەني مەكەمە بار

استانا. قازاقپارات - 2025-جىلعى 1-قاڭتارداعى جاعداي بويىنشا ەلدە كوپشىلىككە قولجەتىمدى 3920 كىتاپحانا، 3076 مادەني-دەمالىس ۇيىمى، 282 مۇراجاي، 251 ويىن-ساۋىق جانە دەمالىس پاركى، 113 كينوتەاتر، 74 تەاتر، 50 كونتسەرتتىك ۇيىم، 10 حايۋاناتتار باعى جانە 4 سيرك جۇمىس ىستەدى. بۇل تۋرالى ۇلتتىق ستاتيستيكا بيۋروسى حابارلادى.

2024-جىلى كەلۋشىلەر سانى بويىنشا كىتاپحانالار كوش باستادى (55485,6 مىڭ ادام كەلۋشى)، ودان كەيىن كينوتەاتر (23277,4 مىڭ كەلۋشى)، ويىن-ساۋىق جانە دەمالىس ساياباعى (15598,1 مىڭ كەلۋشى) مەن مۇراجايلارعا (6665,4 مىڭ كەلۋشى) بارۋشىلار كوپ بولعان.

2023-جىلمەن سالىستىرعاندا كەلۋشىلەر سانى زووباقتاردا 30 پايىز، كونسەرتتىك ۇيىمداردا - 12,1 پايىز، مادەني-دەمالىس ۇيىمدارىندا - 11,5 پايىز، كينوتەاتردا - 10,9 پايىز، مۇراجايلاردا - 6,5 پايىز، تەاترلاردا - 3,5 پايىز ارتقان.

بۇل رەتتە ءىس-شارالاردىڭ كوپشىلىگىن مادەني-دەمالىس ۇيىمدارى (224,2 مىڭ)، تەاترلار (16,7 مىڭ بىرلىك)، ويىن-ساۋىق جانە دەمالىس ساياباقتارى (8,7 مىڭ)، سونداي-اق كونسەرتتىك ۇيىمدار (6,4 مىڭ) وتكىزگەن. 2024-جىلى دەمالىس جانە ويىن-ساۋىق ساياباقتارى وتكىزگەن ءىس-شارالار سانى 24 پايىز، سيركتەردە - 13,5 پايىز، مادەني-دەمالىس ۇيىمدارىندا 8,8 پايىز وسكەن.

- وڭىرلىك بولىنىستە 2024-جىلى كىتاپحانالارعا بارۋشىلاردىڭ باسىم بولىگى الماتى قالاسى (5581,5 مىڭ كەلۋشى)، سولتۇستىك قازاقستان (4512,4 مىڭ كەلۋشى)، تۇركىستان (4083,7 مىڭ كەلۋشى) جانە اقمولا (3722,2 مىڭ كەلۋشى) وبلىستارىندا بايقالعان. كينوعا بارۋشىلار سانى بويىنشا رەسپۋبليكالىق ماڭىزى بار قالالار الدا: الماتى - 7844,6 مىڭ كەلۋشى، استانا - 4027,8 مىڭ كەلۋشى، شىمكەنت-1929,4 مىڭ كەلۋشى. مۇراجايلارعا بارۋشىلار سانى تۇركىستان وبلىسىندا (1170,1 مىڭ كەلۋشى) جانە استانا قالاسىندا (955,8 مىڭ كەلۋشى) ەڭ كوپ بولعان، - دەلىنگەن حابارلامادا.