ەلدە كينوجوبالار بايقاۋى باستالدى

استانا. قازاقپارات - قازاقستاندا كينوجوبالار بايقاۋى باستالدى. بۇل تۋرالى Facebook الەۋمەتتىك جەلىسىندەگى پاراقشاسىندا پرەمەر- ءمينيستردىڭ ورىنباسارى-مادەنيەت جانە اقپارات ءمينيسترى ايدا بالايەۆا جازدى.

ىرىكتەۋدىڭ باسىم تاقىرىپتارى ۇلتتىق كينونى قولداۋ مەملەكەتتىك ورتالىعىنىڭ سايتىندا جاريالاندى. بيىل تۋعان جەر، وتباسى، سالاۋاتتى ءومىر سالتى، ۇلتتىق قۇندىلىقتار، ەڭبەك، زاڭ، ءتارتىپ، تابيعات، عارىش، تۋريزم سياقتى جان-جاقتى تاقىرىپتار لەگى ۇسىنىلىپ وتىر.

 ماڭىزدى جاڭالىقتاردىڭ ءبىرى - ىرىكتەۋ جاساندى ينتەللەكتتىڭ كومەگىمەن وتەدى. بۇل شەشىم قابىلداۋداعى اشىقتىق پەن ادىلدىكتى قامتاماسىز ەتۋگە كومەكتەسەدى. ەرەجەگە سايكەس ءبىرىنشى كەزەڭدە، تەك سسەناريلەر مەن سسەناري جوسپارى قابىلدانادى. ەكىنشى كەزەڭدە قۇجاتتار توپتاماسىنىڭ تولىق سايكەستىگى تەكسەرىلەدى. ال اشىق قورعاۋ مەن پيت-چينگ كەزەڭى ونلاين كورسەتىلىم ارقىلى وتەدى. كونكۋرس ناتيجەسىندە، مەملەكەتتىك قولداۋ تاپقان جوبالاردىڭ 70 پايىزى جاس رەجيسسەرلەردىڭ تۋىندىلارى.