ەلدە كۇن سۋىتادى

استانا. KAZINFORM - قازگيدرومەت الداعى كۇندەرگە ارنالعان اۋا رايى بولجامىن جاريالادى.

سيكلوننىڭ اسەرىنەن قازاقستاندا ىستىق جازعى كۇندەر جاڭبىرلى، نايزاعايلى اۋا رايىمەن اۋىستى.

ءتىپتى ەلدىڭ وڭتۇستىگىندە دە ىستىقتىڭ باسەڭدەۋى بايقالادى. الداعى كۇندەرى سيكلون جىلدامدىعى باياۋ بولعاندىقتان، ەلىمىزدىڭ باسىم بولىگىنە اسەرىن ساقتاپ قالادى. جاڭبىر جاۋادى، رەسپۋبليكانىڭ سولتۇستىگىندە جانە شىعىسىندا كەي جەرلەردە نوسەر بولادى، جەكەلەگەن اۋدانداردا بۇرشاق جاۋۋى مۇمكىن.

2-تامىزدان باستاپ تسيكلوننىڭ ارتىنان سولتۇستىكتەن انتيسيكلون جىلجىپ كەلە باستايدى. ول جاۋىن-شاشىننىڭ توقتاۋىنا جانە سولتۇستىك وڭىرلەردە كۇندىزگى اۋا تەمپەراتۋراسىنىڭ 15- 20 گرادۋسقا دەيىن تومەندەۋىنە سەبەپ بولادى.

ايتا كەتەلىك بۇگىن جاڭبىر مەن بۇرشاق جاۋىپ، تۇمان تۇسەتىنى تۋرالى جازعان ەدىك.