ەلدە ا ە س- ءتى كىم سالاتىنى 2025-جىلدىڭ ءبىرىنشى جارتىسىندا بەلگىلى بولادى

الماتى. KAZINFORM - ەنەرگەتيكا ءمينيسترى الماسادام ساتقاليەۆ قازاقستاندا اتوم ەلەكتر ستانساسىن (ا ە س) سالاتىن كونسورتسيۋمعا قاتىسۋشىلار 2025-جىلدىڭ ءبىرىنشى جارتىجىلدىعىندا انىقتالاتىنىن ايتتى.

- باستاپقىدا كەلەسى جىلى ا ە س قۇرىلىسىنا قاتىسۋشىلاردى انىقتاۋدىڭ سوڭعى فورماتى تۋرالى شەشىم قابىلدانادى دەپ جوسپارلانعان. پرەزيدەنتتىڭ سوڭعى تاپسىرماسىنا سايكەس، كوميسسيا بۇل جۇمىستى جەدەلدەتىپ، جاقىن ارادا ءتيىستى شەشىم قابىلدايتىن بولادى. 2025-جىلدىڭ ءبىرىنشى جارتىجىلدىعىندا قاتىسۋشىلاردى تاڭداۋ بويىنشا شەشىم شىعادى، - دەدى ەنەرگەتيكا ءمينيسترى الماسادام ساتقاليەۆ.

مينيستر اتوم ەلەكتر ستانسياسىن سالۋ وتە ۇزاق پروتسەسس ەكەنىن اتاپ ءوتتى.

- جوبالاۋ 3 جىلعا، ال قۇرىلىس 8-14 جىلعا دەيىن سوزىلادى، - دەدى ول.

بۇعان دەيىن پرەزيدەنت قازاقستانداعى اتوم ەلەكتر ستانسياسىنىڭ قۇرىلىسىن جەدەلدەتۋدىڭ ماڭىزىن اتاپ وتكەن بولاتىن.