ەل وڭىرلەرىندە قىسقى دوڭعالاق اۋىستىرۋ قۇنى نەشە تەڭگەگە باعالانۋدا
استانا. KAZINFORM - ەلىمىزدىڭ سولتۇستىك وڭىرلەرىندە كولىك جۇرگىزۋشىلەرى قىس مەزگىلىنە ساي دوڭعالاعىن اۋىستىرۋدى باستاپ كەتتى.
وسى ورايدا Kazinform ءتىلشىسى شينامونتاج شەبەرلەرىنىڭ قىزمەتى نەشە تەڭگە تۇراتىنىن انىقتاپ ءبىلدى.
ماماندار قازىردەن-اق كولىكتىڭ دوڭگەلەگىن اۋىستىرىپ، قىسقا دايىن بولعان ءجون دەپ وتىر. بۇل تەك اقشانى ەمەس، ۋاقىتتى ۇنەمدەۋگە مۇمكىندىك بەرەدى.
جازعى جانە قىسقى دوڭگەلەكتىڭ ايىرماشىلىعى - ونىڭ حيميالىق قۇرامى ىستىق جانە سۋىق اۋا تەمپەراتۋراسىنا لايىقتالىپ جاسالعانىندا. جازعى دوڭگەلەك قاتتى، نىعىز بولادى. شىلىڭگىر ىستىقتا اسفالتتا فورماسىن جوعالتپايدى. تەجەگىشتى شۇعىل باسقان ساتتە سول قاسيەتىنىڭ ارقاسىندا بالقىپ كەتپەيدى.
ال، قىسقى دوڭعالاقتار ۇسكىرىك ايازداردا قاتىپ قالماي، ءوزىنىڭ جۇمساق كۇيىن ۇستاپ تۇرا الادى. بۇل ءوز كەزەگىندە تەجەگىشتى باسقاندا، دوڭعالاقتىڭ تايىپ، جول ۇستىمەن سىرعي بەرمەي، جىلدامدىقتى تەز باسەڭدەتۋگە مۇمكىندىك بەرەدى.
ايتىپ وتەيىك، ق ر زاڭناماسىندا 1-جەلتوقسان مەن 1-ناۋرىز ارالىعىندا كولىك يەلەرى قىسقى مەزگىلگە ارنالعان دوڭگەلەكتى پايدالانۋى كەرەك دەپ كورسەتىلگەن. ەگەر تالاپتى ەسكەرمەسە، اكىمشىلىك قۇقىقبۇزۋشىلىق تۋرالى كودەكستىڭ 590-بابى 5-بولىگىندە كورسەتىلگەن 5 ا ە ك (18460 ت گ) كولەمىندە ايىپپۇل تولەيدى.
وڭىرلەردە دوڭگەلەك اۋىستىرۋ قىزمەتىنىڭ قۇنى بەلگىلى بولدى.
