ەل تۇرعىندارى الدا كوكتەمگى قۇبىلمالى اۋا رايىن سەزىنەدى

استانا. KAZINFORM - قازگيدرومەت 7، 8، 9-ساۋىرگە ارنالعان اۋا رايى بولجامىن جاريالادى.

ەلدىڭ باسىم بولىگىنىڭ تۇرعىندارى كوكتەمگى قۇبىلمالى اۋا رايىن سەزىنەدى. جاڭبىر جاۋادى، سولتۇستىكتە جانە سولتۇستىك-باتىستا دا جاۋىن-شاشىن (جاڭبىر، قار) بولجانىپ وتىر. باتىستا، وڭتۇستىكتە كەي ۋاقىتتاردا قاتتى جاڭبىر جاۋادى، ال سولتۇستىكتە جاۋىن-شاشىن مول بولادى.

رەسپۋبليكا بويىنشا جەل كۇشەيىپ، باتىستا، وڭتۇستىكتە بۇرشاق جاۋىپ، داۋىل سوعۋى مۇمكىن. ەلدىڭ شىعىسىندا عانا جاۋىن-شاشىنسىز اۋا رايى ساقتالادى. تۇنگى، تاڭعى ۋاقىتتا تۇمان تۇسەدى.

ەلدىڭ سولتۇستىگى مەن سولتۇستىك-باتىسىندا كۇندىز اۋا تەمپەراتۋراسى 3-15 گرادۋسقا دەيىن تومەندەيدى.