ەل قورجىنىنا پاريج وليمپياداسىنىڭ تاعى ءبىر جولداماسى ءتۇستى

استانا. KAZINFORM - قىتايدىڭ تايان قالاسىندا ءوتىپ جاتقان ليتسەنزيالىق تۋرنيردە قازاقستاندىق تاەكۆوندوشى ساميرحون اباباكيروۆ (58 كەلى) پاريج وليمپياداسىنىڭ ليتسەنزياسىنا يە بولدى.

سپورتتى دامىتۋ ديرەكتسياسىنىڭ باسپا ءسوز قىزمەتى ءمالىم ەتكەندەي، جارتىلاي فينالدا وتانداسىمىز فيليپپين وكىلى كۋرت بريان باربوسانى جەڭدى. ۇلتتىق قۇراما سپورتشىسى ەكى راۋندتا دا ايقىن باسىمدىلىققا يە بولدى. ەسەپ: 2-0.

اباباكيروۆ وسىعان دەيىن نۇرحان ساميدينوۆتى (قىرعىزستان)، سوسىن تاناكريت يودراكتى (تايلاند) ۇتقان بولاتىن.

بۇل تاەكۆوندودان ۇلتتىق قۇرامانىڭ پاريجدەگى ويىندارعا العان ەكىنشىسى جولداماسى. كەشە باتىرحان تولەۋعالي (-80 كەلى) العاش بولىپ «ارنايى بيلەتكە» قول جەتكىزگەن.

قىتايداعى جارىستا پاريج وليمپياداسىنىڭ جولداماسىنا ءار سالماقتا فينالعا شىققان ەكى سپورتشى يە بولادى. بارلىعى تۋرنيردە 33 مەملەكەتتەن كەلگەن تاڭداۋلى 96 تاەكۆوندوشى كۇش سىناسىپ جاتىر.

اۆتوركۇنسۇلتان وتارباي