ەلگە كەلگەن قانداستاردىڭ نەشە پايىزى ەڭبەككە جارامسىز

استانا. KAZINFORM - ەڭبەك جانە حالىقتى الەۋمەتتىك قورعاۋ مينيسترلىگىنىڭ Kazinform ساۋالىنا جولداعان جاۋابىندا ەلگە كەلگەن قانداستاردىڭ نەشە پايىزى ەڭبەككە جارامدى ەكەنى تۋرالى مالىمەت ايتىلعان.

«2024-جىلدا 2800 ەتنيكالىق قازاق تاريحي وتانىمەن تابىسىپ، قانداس مارتەبەسىن الدى. جالپى 1991 -جىلدان بەرى رەسپۋبليكاعا 1 ميلليون 131,1 مىڭ ەتنيكالىق قازاق ورالدى. جىل باسىنان قازاقستانعا كەلگەن قانداستاردىڭ جارتىسى %49,6 قىتايدان، %31,9 - وزبەكستاننان،%6,5 - موڭعوليادان،%3,9 رەسەيدەن،%6,8 - تۇرىكمەنستاننان جانە %1,3 باسقا ەلدەردەن»، - دەپ جازىلعان جاۋاپتا.

ۆەدومستۆونىڭ مالىمەتى بويىنشا، قانداس مارتەبەسى بار وتانداستارىمىزدىڭ اراسىندا 79 ادام مەملەكەتتەن اتاۋلى الەۋمەتتىك كومەك الىپ وتىر.

«وسى جىلعى 1-ناۋرىزداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى%58,7، ەڭبەككە قابىلەتتى جاستان كىشى %31,9 جانە زەينەتكەرلەر %9,4. ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا %16,9 ى جوعارى ءبىلىمدى، %21,3 ى ورتا كاسىبي ءبىلىمدى، %55,3 ى جالپى ورتا ءبىلىمدى، جانە %6,5 ءبىلىم جوق. قونىس اۋدارعان ەتنيكالىق قازاقتار رەسپۋبليكانىڭ ءتۇرلى وڭىرلەرىنە قونىستاندى. بۇگىنگى تاندا قانداستار اراسىنان 79 ادام اتاۋلى الەۋمەتتىك كومەك الىپ جاتىر»، - دەلىنگەن مينيسترلىك مالىمەتىندە.