ەل بولاشاعى ءۇشىن شەشىم قابىلداۋدا حالىقتىڭ پىكىرى ماڭىزدى - جازيرا جاپپارقۇل

شىمكەنت. KAZINFORM - اۋىر اتلەتيكادان وليمپيادا ويىندارىنىڭ كۇمىس جۇلدەگەرى جازيرا جاپپارقۇل №38 رەفەرەندۋم ۋچاسكەسىندە داۋىس بەردى.

ق ر ەڭبەك سىڭىرگەن سپورت شەبەرى ەلىمىزدەگى اسا ماڭىزدى شەشىمدەر حالىقتىڭ پىكىرىن ەسكەرىپ بارىپ قابىلداناتىنىن اتاپ ءوتتى.

- بۇگىن - ەلىمىز ءۇشىن ماڭىزدى كۇن. ەل تۇرعىندارى، جاستار بەلسەندىلىك تانىتىپ، ءوز تاڭداۋلارىن جاساۋدا. مەندە ءوز تاڭداۋىمدى جاساپ، داۋىس بەردىم. قازىرگى ۋاقىتتا بىزگە ەڭ كەرەگى - ەلدىڭ بىرلىگى مەن ىنتىماعى. بارشامىز وسى قۇندىلىقتارىمىزدى ساقتاي الساق، الىنبايتىن قامال جوق، - دەدى ج. جاپپارقۇل.

شىمكەنت قالاسىندا تۇرعىندار اەس قۇرىلىسى جونىندەگى رەفەرەندۋمعا بەلسەندى تۇردە قاتىسىپ جاتىر. داۋىس بەرۋگە كەلگەن ازاماتتاردىڭ كوڭىل- كۇيى دە كوتەرىڭكى. كەيبىر تۇرعىندار رەفەردۋم ۋچاسكەسىنە بۇكىل وتباسىمەن بىرگە كەلىپ، داۋىس بەرۋدە. ال، كەيبىرى ارىپتەستەرىمەن كەلىپ ءوز تاڭداۋلارىن جاساۋدا. سولاردىڭ ءبىرى - ەركىن كۇرەستەن ق ر «حالىقارالىق دارەجەدەگى سپورت شەبەرى» ەرمەك بايدۋاشوۆ.

تالاي رەت بايراقتى باسەكەدە ەل نامىسىن قورعاعان سپورتشى ءوز تاڭداۋىن جاساپ، داۋىس بەردى. سونداي-اق، كوپشىلىكتى رەفەرەندۋمعا بەلسەندى قاتىسۋعا شاقىردى.

اۆتور

قايرات زاينيشيەۆ