ل گ ب ت ناسيحاتتىڭ 73 پايىزى الەۋمەتتىك جەلىدەن تاراپ جاتىر - ەدىل جاڭبىرشين

استانا. KAZINFORM - ءماجىلىس دەپۋتاتى ەدىل جاڭبىرشين ل گ ب ت ناسيحات قوعامعا، ونىڭ ىشىندە جاس بۋىنعا كەرى اسەر ەتەدى دەپ ەسەپتەيدى.

- بىلتىر ل گ ب ت ناسيحاتىنا قارسى پەتيتسياعا از ۋاقىتتىڭ ىشىندە 50 مىڭنان استام ادام قول قويدى. كوميسسيا وتىرىسىندا ءبىراز ماسەلە كوتەرىلىپ، ديسكۋسسيا بولدى، وندا بارلىق تاراپ قاتىستى. سول جەردە ءماجىلىس دەپۋتاتتارى ل گ ب ت- نى ناسيحاتتاۋعا تىيىم سالۋ جونىندە ۇسىنىس جاسادىق، بىرنەشە رەت دەپۋتاتتىق ساۋال جولداندى. بىلتىر كوميسسيا وتىرىسىنىڭ قورىتىندىسى بويىنشا وسى باعىتتى زەرتتەۋ جونىندە شەشىم قابىلداندى. ءبىر جىل بويى ساراپشىلار، ۇكىمەتتىك ەمەس ۇيىمدار، قور وكىلدەرى زەرتتەۋ جۇرگىزىپ بۇگىن سونىڭ قورىتىندىسىن ورتاعا سالىپ وتىر. وزدەرىڭىز كورىپ وتىرعانداي، ءۇش اسپەكتىنى اتاعان ءجون. بىرىنشىدەن، ناسيحات بالالار مەن جاسوسپىرىمدەرگە قالاي اسەر ەتەدى؟ تولىق قالىپتاسپاعان ءجاسوسپىرىمنىڭ پسيحولوگياسىنا، ەموتسياسىنا، ىشكى مازاسىزدىق پەن تولعانىسىنا ل گ ب ت ناسيحاتتىڭ كەرى اسەر ەتەتىنى انىقتالدى، - دەدى ەدىل جاڭبىرشين ب ا ق وكىلدەرىنىڭ ساۋالىنا جاۋاپ بەرە تۇرىپ.

سونداي-اق حالىق قالاۋلىسى ل گ ب ت ناسيحاتتىڭ قايدا ءجۇرىپ جاتقانىن ءسوز ەتتى.

- اقپاراتتىڭ %73 الەۋمەتتىك جەلىلەردەگى كونتەنتتەن الادى ەكەن، ياعني الەۋمەتتىك جەلى ناسيحاتقا جول اشىپ وتىر. ەكىنشى ورىندا بۇقارالىق اقپارات قۇرالدارىندا 1550 ماتەريال شىققان، بۇل وتە كوپ. بۇنى اقپاراتتىق شابۋىل دەپ ايتۋعا بولادى. ءۇشىنشى جايت، بىلتىر كوميسسيا وتىرىسىندا بۇل ادامنىڭ قۇقىعى دەگەن ماسەلە ايتىلدى. جەنەۆا كونۆەنتسياسىنىڭ وتباسىلىق قۇندىلىق، ايەلدەردىڭ دەنساۋلىعىنا قاتىستى دەكلاراتسياسى بار. ا ق ش سول قۇجاتقا سۇيەنىپ، ل گ ب ت-عا تىيىم سالۋ جونىندە زاڭ قابىلدادى. ادامداردىڭ قۇقىعى قورعالۋى كەرەك، نەگە ءبىز كوپشىلىكتىڭ ەمەس ازشىلىقتىڭ قۇقىعىن قورعاۋىمىز كەرەك؟ تاعى ءبىر جايت، بۇل وتە جەكە ماسەلە، ونى جارياعا جار سالۋدىڭ قاجەتى جوق، - دەيدى ول.

ونىڭ ايتۋىنشا، زەرتتەۋ ناتيجەسى بويىنشا نەگىز پايدا بولدى.

- زاڭدى قابىلداۋ كەزىندە بۇل نورما كەرەك پە، كەرەك ەمەس پە دالەلدەۋىمىز كەرەك. بۇل نورمانىڭ قانداي الەۋمەتتىك- ساياسي ماڭىزى بار؟ بۇگىن زەرتتەۋ ناتيجەسىن كورىپ وتىرمىز، ل گ ب ت ناسيحات قوعامعا، ونىڭ ىشىندە جاستارعا كەرى اسەر ەتەدى. ءبىزدىڭ رۋحاني بىرلىگىمىزگە، مەملەكەتتىك قاۋىپسىزدىگىمىزگە قاۋىپتى دەپ ەسەپتەيمىز. دەموگرافيالىق وسىمگە دە كەرى اسەر ەتۋى مۇمكىن. ءبىز بالالار مەن جاسوسپىرىمدەردى ل گ ب ت ناسيحاتىنان قورعاۋىمىز كەرەك، - دەپ ءتۇسىندىردى دەپۋتات.

ايتا كەتەيىك، بۇگىن ەلوردادا ل گ ب ت ناسيحاتتىڭ بالالار مەن جاسوسپىرىمدەرگە اسەرىن زەرتتەۋ ناتيجەسى تالقىلاندى. اتالعان شاراعا ساراپشىلار، عالىمدار، مەملەكەتتىك ورگاندار وكىلدەرى، دەپۋتاتتار مەن قوعامدىق ۇيىمدار وكىلدەرى قاتىستى.

بۇعان دەيىن قازاقستاندا ل گ ب ت ناسيحاتقا قىلمىستىق جاۋاپكەرشىلىك ەنگىزۋ ۇسىنىسى تۋرالى جازعان ەدىك.

اۆتور

داۋلەت ىزتىلەۋ