ەل ازاماتتارى تەگىن الاتىن دارىلەر تىزبەسى كەڭەيتىلەدى
استانا. KAZINFORM - دەنساۋلىق ساقتاۋ مينيسترلىگى ەل ازاماتتارىنىڭ جەكەلەگەن ساناتتارىن بەلگىلى ءبىر اۋرۋلارمەن (جاي-كۇيمەن) تەگىن جانە (نەمەسە) جەڭىلدىكپەن امبۋلاتوريالىق قامتاماسىز ەتۋگە ارنالعان دارىلىك زاتتار مەن مەديتسينالىق بۇيىمداردىڭ تىزبەسىن كەڭەيتپەك.
اشىق ن ق ا پورتالىنا ورنالاستىرعان دەنساۋلىق ساقتاۋ ءمينيسترى بۇيرىعىنىڭ جوباسىندا كەلەسى اۋرۋلاردى ەمدەۋگە ارنالعان دارىلىك زاتتاردىڭ 3 جاڭا پوزيتسياسىن ەنگىزۋ كوزدەلگەن:
- ليمفويدتى، گەموپوەتيكالىق جانە ونىمەن بايلانىستى تىندەردىڭ قاتەرلى ىسىكتەرى (اپلاستيكالىق انەميا مەن يممۋندىق ترومبوتسيتوپەنيانى قوسا)،
- ونكولوگيالىق اۋرۋلار،
- پسورياز.
جوبانى ىسكە اسىرۋ ءتيىمدى تەراپيانىڭ قولجەتىمدىلىگىن ارتتىرۋعا، سوزىلمالى جانە ونكولوگيالىق اۋرۋلارى بار پاتسيەنتتەردىڭ كلينيكالىق ناتيجەلەرى مەن ءومىر ءسۇرۋ ساپاسىن جاقسارتۋعا باعىتتالعان.
بۇيرىقتى ىسكە اسىرۋدىڭ ناتيجەسىندە سوزىلمالى جانە ونكولوگيالىق اۋرۋلاردان زارداپ شەگەتىن پاتسيەنتتەر ءۇشىن قازىرگى زامانعى دارىلىك زاتتاردىڭ قولجەتىمدىلىگى قامتاماسىز ەتىلەدى. بۇل رەتتە بۇيرىق قابىلدانعان جاعدايدا دارىلىك زاتتاردى ەل ازاماتتارىنىڭ جەكەلەگەن ساناتتارىن تەگىن جانە (نەمەسە) جەڭىلدىكتى امبۋلاتوريالىق قامتاماسىز ەتۋگە ارنالعان دارىلىك زاتتار مەن مەديتسينالىق بۇيىمداردىڭ تىزبەسىنە ەنگىزۋ جانە ولاردى ت م ك ك ك جانە م ءا م س اياسىندا 2026 -جىلدان باستاپ ساتىپ الۋدى باستاۋ كوزدەلەدى.
بۇعان دەيىن جەدەل جاردەم بريگاداسىنان قانداي ءدارى-دارمەكتى تالاپ ەتە الاتىندىعىڭىزدى جازعان ەدىك.
