كيىك ەتىن نەشە كومبينات ساتىپ وتىر

استانا. KAZINFORM - اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتى ءتوراعاسىنىڭ ورىنباسارى مارات يبرايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا كيىك ەتىن ساتۋ قالاي ۇيىمداستىرىلعانىن ايتتى.

- كيىك ەتىن وڭدەۋ تۋرالى ايتساق، باتىس قازاقستان وبلىسىندا جانە باسقا قالالاردا ءونىمدى ساتۋعا شىعارماي تۇرىپ زەرتحانادا زەرتتەپ، سەرتيفيكاتتايتىن، زاۋىت قامتاماسىنا وراپ شىعاراتىن نۇكتەلەر بار، - دەدى ول.

كوميتەت ءتوراعاسىنىڭ ورىنباسارى كيىك ەتى كونسەرۆ رەتىندە ساتىلىمدا بار-جوعىن بىلمەيتىن بولىپ شىقتى.

- كيىك ەتىنىڭ باعاسىنا كەلسەك، ونى ءبىز قاداعالامايمىز. ەڭ باستىسى، ەت زەرتحانادا تولىقتاي تەكسەرۋدەن ءوتۋ كەرەك. تەك وسىدان كەيىن عانا تاماققا تۇتىنۋعا بولادى. ال كونسەرۆىلەنگەن كيىك ەتى ساۋداعا شىعارىلعان-شىعارىلماعانىن جازباشا جاۋاپتا ايتايىق. ويتكەن بۇل ماسەلە ءبىزدىڭ كوميتەتتىڭ قۇزىرىنا كىرمەۋشى ەدى، - دەدى كوميتەت وكىلى.

ەسكە سالساق، بىلتىر كۇزدە اۋىل شارۋاشىلىعى ءمينيسترىنىڭ ورىنباسارى امانعالي بەردالين قازاقستاندىقتاردى كيىك ەتىن قورىقپاي الۋعا ۇندەگەن ەدى.